रोमियो 11:22 - बिलासपुरी नौआं नियम

²² इस खातर तू परमेशरा रिया दया जो देख कने तिसरिया सख्तिया पर ध्यान दे। सै सख्ती तिन्हांरे खातर इ सै जे अविश्वासा रिया वजह ने गिरीगरे पर तिसरी दया तेरे खातर इ, तू अप्पूँ पर तिसरी दया बणीरी रैहणे दे, नैत डाल़ा ते तू बी बड्डीने सट्टि दित्या जाणा।

रोमियो 11:22 ပူးပေါင်းရင်းမြစ်များ

लूका 8:15

पर उपजाऊ जमीन, तिस पर जे ब्यू पौआं, सै भले मना रे, ईमानदार लोकां जो दस्सां सै जे परमेशरा रा बचन सुणां ये, कने तिस्सो अपणे जीवना च लागू करी लें, सै लगातार खरी फसल लेईने औयें।

यूहन्ना 15:2

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

यूहन्ना 8:31

फेरी यीशु तिन्हां यहूदी अगुवेयां ने गलाणे लगया सै जे तिस पर विश्वास कराँ थे, “जे तुहें लोक मेरी सखाई रियां सारियां गल्लां जो सुणीने अपणयां सारयां कम्मां जो तिसरे मुतावक कराँ ये, तां सच्चीजो तुहें मेरे चेले हुणे।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

रोमियो 11:21

काँह्भई तां जे परमेशरे असली डाल़ियां पर दया नीं कित्ती, तां तिस तूह पर बी दया नीं करनी।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

1 कुरिन्थियों 15:2

तिसरे जरिये तुहांरा छुटकारा बी हुआं, जे तिस खुशखबरिया जो सै जे मैं तुहांजो सुणाई थी याद रखां ये। नैत तुहांरा विश्वास करना बेकार आ।

गलातियां 6:9

इस खातर औआ अहें भलाई करदे कदीं मनी थक्को, काँह्भई जे अहें भलाई करदे इ रैहन्गे, तां सही बगत औणे पर अहांजो तिसरा ईनाम मिलणा।

1 थिस्सलुनीकियां 3:5

इस खातर काँह्भई हऊँ होर जादा इन्तजार नीं करी सकदा था, इस खातर मैं तुहांरे विश्वासा रे बारे जाणने तिमुथियुस जो भेज्या। काँह्भई मिन्जो डर था भई किति येढ़ा नीं हो भई इम्तेहान लेणे औल़े शैताने तुहांरा इम्तेहान लेआ हो, कने अहां रिया मेहणता जो बेकार त नीं करित्या।

1 थिस्सलुनीकियां 3:8

हाँ, हुण अहें भीं साह लेईराँ ये काँह्भई अहें जाणीगे भई प्रभु च तुहें अटल खढ़िरे, ये अहांरे खातर नये जीवना साई आ।

इब्रानियों 10:23

औआ, अहें लगातार अपणिया आशा जो मजबूतिया ने थम्मी रखिये सै जे अहें अंगीकार कित्तिरा, काँह्भई अहें जाणाँ ये भई सै काम्म जे परमेशरे करने रे खातर वायदा कित्तिरा तिस्सो सै करगा।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

प्रकाशितवाक्य 2:5

याद रख तू गिरने ते पैहले कित्ती था। पापां ते मन फिरा कने सैई कर सै जे तू पैहले कराँ था। जे तू मन नीं फिराँगा, तां मांह तेरले औणा कने तेरे दीपदान्ना जो तिसरिया जगह ते हटाई देणा।