रोमियो 11:20 - बिलासपुरी नौआं नियम

²⁰ ये सच्च आ, सै तिन्हांरे अविश्वासा रिया वजह ने तोड़ीने सट्टीतियां, पर तुहें अपणे विश्वासा रे दमा पर अपणिया जगह टिक्कीरे रैयों, इस खातर इसरा घमण्ड देखां करदे बल्कि डरदे रैयां,

रोमियो 11:20 ပူးပေါင်းရင်းမြစ်များ

लूका 18:14

हऊँ तुहांजो बोल्लां, भई सै दुज्जा नीं; पर येई पापी माहणु परमेशरा रे सामणे धर्मी ठैहरया, कने अपणे घरा जो वापस गया; पर फरीसिये सौगी येढ़ा नीं हुया, काँह्भई सै जे कोई अप्पूँजो महान समझगा, तिसजो परमेशरा नम्र बनाणा, पर सै जे कोई अप्पूँजो नम्र बणांगा, तिस्सो परमेशरा आदर देणा।”

प्रेरितां 18:6

पर ताहली जे यहूदी पौलुस रे बरोधा च निंध्या करने लगे, तां तिने अपणे कपड़े झाड़ी ने तिन्हांने गलाया, “जे परमेशर तुहांजो सजा देंगा, तां ये तुहांरी अपणी गल़ती हूणी! हऊँ निर्दोष आ। हूणा ते मांह परमेशरा रा वचन सुनाणे जो अन्यजातियां ले जाणा।”

रोमियो 11:18

तां तिज्जो तिन्हां डाल़ियां रे अग्गे घमण्ड नीं करना चाहिन्दा, सै जे तोड़ीने सट्टि दित्ति रियां; कने जे तू घमण्ड कराँ तां याद रखयां भई तू जड़ां जो नी पाल़ीराँ, पर येत सै जड़ इ सै जे तिज्जो पाल़ी कराँ ईं।

रोमियो 11:21

काँह्भई तां जे परमेशरे असली डाल़ियां पर दया नीं कित्ती, तां तिस तूह पर बी दया नीं करनी।

रोमियो 12:16

इक दूये ने मेल-जोल रखा, घमण्डी नीं बणा, पर गरीब लोकां ने बी संगती रक्खा; येढ़ा नीं समझा भई तुहें इ बौहत समझदार ये।

रोमियो 12:3

इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।

रोमियो 3:3

जे तिन्हां चते किछ धोखेबाज बी हुईगे तां क्या हुया? क्या तिन्हांरे धोखेबाज हुणे ते परमेशरा री सच्चाई बेकार हुई जाणी?

1 कुरिन्थियों 10:12

इस खातर सै जे समझां भई, “हऊँ विश्वासा च मजबूत आ,” सै चौकन्ने रौ भई किति पापा च नीं पई जाओ।

1 कुरिन्थियों 15:1

अरे साथी विश्वासियो, हुण हऊँ तुहांजो सैई खुशखबरी याद दिलाणा चांह सै जे पैहले हऊँ प्रचार करी चुक्कीरा, तिस्सो जे तुहें ग्रहण बी कित्या था कने तिसच जे तुहें लगातार विश्वास बी कराँ ये।

1 कुरिन्थियों 16:13

जागदे रौआं, विश्वासा च बणीरे रौआ, निडर बणा, विश्वासा च मजबूत रौआ।

2 कुरिन्थियों 1:24

इसरा मतलब ये नींआ भई अहें तुहांरे विश्वासा पर अपणा हक जताये, काँह्भई तुहें अपणे विश्वासा पर अटल ये, लेकिन अहें त तुहांरिया इ मौज्जा खातर तुहां सौगी काम्म कराँ ये।

2 कुरिन्थियों 10:5

कने इस खातर अहें लोकां रियां गल्लां रा कने तिस हरेक बिरोधा रा, सै जे परमेशरा रे ज्ञाना रे बिरोधा च खढ़िरा खण्डन कराँ ये; कने हर इक भावना जो कैद करीने मसीह रा आज्ञाकारी बणाई दें।

फिलिप्पियां 2:12

इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

कुलुस्सियां 2:7

कने तिस ची मजबूत हुन्दे जावा तियां जे इक पेड़ धरतिया च जड़ पकड़ां; कने लगातार तिस ची अपणे विश्वासा जो बधान्दे जावा, कने परमेशरा रा जादा ते जादा धन्यवाद करदे रौआ।

2 थिस्सलुनीकियां 2:4

तिस परमेशरा रा बरोध करना, कने हर इक्की जो तिसरी जे लोक पूजा कराँ ये कने देबता मन्नां ये तिन्हांते तिस अप्पूँजो बड़ा खास बनाणा, येत्थी तक भई तिस परमेशरा रे मन्दरा च बैठणा कने सारयां लोकां जो ये प्रचार करना भई सै खुद परमेशर आ।

1 तिमुथियुस 6:17

इस संसारा रे अमीर लोकां जो हुक्म देओ भई सै घमण्डी नीं हो कने सै धना पर आशा नीं रखो सै जे किछ वगता रे खातर आ, पर सै परमेशरा पर आशा रखो सै जे अहांरे सुखा खातर सब किछ ईमानदारिया ने अहांजो देआं।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

इब्रानियों 3:19

इस खातर अहें समझीगे भई सै अविश्वावासा रिया वजह ते नीं प्रवेश करी सक्के।

इब्रानियों 4:11

इस खातर आओ अहें तिस विस्राम रिया जगह च जाणे री कोशिश करिये, ताकि येढ़ा नीं हो भई कोई माहणु इस्राएली लोकां साई हुक्म नीं मन्नीने विस्राम च जाई नीं पाओ।

इब्रानियों 4:6

सै इस्राएल रे लोक तिन्हेंजे पैहले खुशखबरिया जो सुणीरा था, पर विस्राम रिया जगह च प्रवेश करने च असफल रै, काँह्भई तिन्हें परमेशरा रा हुक्म नीं मन्नया। पर हुण बी किछ लोकां जो विस्राम रिया जगह च प्रवेश करने रे खातर मौका।

याकूब 2:19

तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई।

याकूब 4:6

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”

1 पतरस 1:17

जे तुहें परमेशरा जो पिता बोल्लीने प्राथना कराँ ये सै जे बिणा तरफदारिया ते कित्तिरे हर इक्की रे कम्मां जो देखीने इन्साफ कराँ, तां इस संसारा च इक परदेसिये साई जींदे हुये तिसरा आदर करदे हुये अपणा जीवन बितावा।

1 पतरस 5:12

मैं तुहांजो ये छोट्टी जेई चिट्ठी सिलवानुस रिया मददा ने लिखिरा, तिस्सो जे हऊँ बफादार विश्वासी समझां। हऊँ तुहांजो हौंसला देणा चांह कने विश्वास दिलां भई परमेशरा रा सच्चा अनुग्रह येई हाया। इस अनुग्रह च बणीरे रौआ।

1 पतरस 5:9

अपणे विश्वासा पर मजबूत रैईने तिसरा मुकाबला करा कने ये जाणी लो भई तुहांरे साथी विश्वासी सै जे इस संसारा चे, इस इ तरिके री पीड़ा सैई रायें।

प्रकाशितवाक्य 18:7

जितणी तिने अपणी बडयाई कित्ती कने सुख-बलास कित्या, तितनी इ तिस्सो पीड़ कने दुख देओ; काँह्भई सै अपणे मनां च बोलां इ, ‘हऊँ राणिया साई बैठीरी कने विधवा नीं; मिन्जो कदीं बी किछ दुख नीं हूणा।’

प्रकाशितवाक्य 3:17

तू बोलां भई हऊँ अमीर आ, कने धन कमाईरा, कने मिन्जो किसी चीज़ा री जरूरत नीं; पर तू नीं जाणदा भई तू अभागा, नीच, गरीब, अन्हा कने नंगा।