रोमियो 10:3 - बिलासपुरी नौआं नियम

³ काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

रोमियो 10:3 ပူးပေါင်းရင်းမြစ်များ

लूका 10:29

पर सै माहणु अप्पूँजो धर्मी बनाणे रिया इच्छा ते, यीशुये ते पुच्छां, “तां मेरा पड़ेसी कुण आ?”

लूका 16:15

फेरी यीशुये तिन्हाने गलाया, तुहें लोकां रियां नज़राँ च बड़े धर्मी बणां ये, पर परमेशर तुहांरे कपटी स्वभावा जो जाणाँ। माहणुआं रिया समझा च सै जे खास आ, सै परमेशरा रिया नज़राँ च बेकार आ।

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

रोमियो 10:2

काँह्भई हऊँ जाणाँ भई तिन्हां च परमेशरा रे प्रति उत्साह हया, पर तिन्हांरा ये उत्साह सच्चे ज्ञाना रे मुतावक नींआ।

रोमियो 10:20

फेरी यशायाह भविष्यवक्ता परमेशरा रे खातर बड़िया हिम्मता ने बोलां, “सै जे मिन्जो नीं खोज्जां थे, तिन्हें मिन्जो पाईल्या: कने सै जे मिन्जो पुछदे बी नीं थे, तिन्हां पर हऊँ प्रगट हुईग्या।”

रोमियो 11:7

इस खातर नतीजा क्या हुया? ये भई इस्राएल रे लोक तिस्सो जे टोल़ीराँ थे, सै तिन्हांजो नीं मिलया; पर चुणी रेआं जो सै मिलया, कने बचीरे लोकां रे मन कठोर बणाईते।

रोमियो 3:22

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

रोमियो 5:19

काँह्भई तियां जे तिस इक्की माहणुये रे हुक्म न मनणे रिया वजह ने बौहत लोक पापी बणे, तियां इ इक्की माहणुये रे हुक्म मनणे रिया वजह ने बौहत लोक धर्मी बणने।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।