रोमियो 10:2 - बिलासपुरी नौआं नियम

² काँह्भई हऊँ जाणाँ भई तिन्हां च परमेशरा रे प्रति उत्साह हया, पर तिन्हांरा ये उत्साह सच्चे ज्ञाना रे मुतावक नींआ।

रोमियो 10:2 ပူးပေါင်းရင်းမြစ်များ

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

प्रेरितां 21:20

तिन्हें ये सुणीने परमेशरा री महिमा कित्ती, फेरी तिसने गलाया, “भाई तू जाणाँ भई यहूदी लोकां चते कई हजारें विश्वास कित्या; कने सब मूसा रिया व्यवस्था जो मनणे खातर जोशा ने भरीरे।

प्रेरितां 21:28

कने रड़ाईने बोल्या “इस्राएल रे लोको, मद्‌द करा; ये सै माहणु आ, सै जे लोकां रे, कने व्यवस्था रे, कने इसा जगह रे बरोधा च हर जगह सब्बीं लोकां जो सखां, येत्थी तका भई यूनानियां जो बी मन्दरा च ल्याईने तिने इस जगह जो अपवित्र कित्तिरा।”

प्रेरितां 22:22

लोक इसा गल्ला तका तिसरी सुणदे रये तां बड्डिया अवाज़ा च रड़ाये, “येढ़े माहणुये जो खत्म करो इसरा ज्यूंदा रैहणा ठीक निआं।”

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

रोमियो 10:1

मेरे साथी विश्वासियो, ये मेरे दिला री इच्छा इ कने हऊँ परमेशरा ने इस्राएल रे लोकां खातर प्राथना कराँ भई तिन्हांरा छुटकारा ओ।

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

2 कुरिन्थियों 8:3

तिन्हारे बारे च मेरी ये गवाही भई सै जितना जे देई सक्कां थे तिन्हें उतणा दित्या; इतणा इ नीं बल्कि अपणिया सामर्थया ते बी जादा अपणिया इच्छा ने दित्या।

गलातियां 1:14

हऊँ यहूदी धर्मा च अपणी जाति औल़यां ते सै जे मेरिया उम्रा रे थे, जादा बधदा गया कने मेरे पूर्वजां ते सै जे रिवाज मिन्जो मिले, तिन्हां च मेरी बौहत आस्था थी।

गलातियां 4:15

तिस वगत तुहें बौहत खुश थे! हुण तुहांरिया तिसा खुशिया जो क्या हुया? हऊँ तुहांरे खातर खुद इसा गल्ला रा गवाह भई जे मुमकिन हुन्दा, तां तुहें अपणियां आक्खीं बी नकाल़ीने मिन्जो देई देन्दे।

फिलिप्पियां 1:9

कने हऊँ येई प्राथना करदा रैयां भई तुहांरा प्यार, कने सुध-बुध हर तरह रे ज्ञाना सौगी हमेशा बधदी रौ।

फिलिप्पियां 3:6

हऊँ इतणा बफादार था भई मैं मसीह विश्वासियां जो बौहत सताया, कने यहूदी व्यवस्था रा पालन करने च हऊँ धर्मी था काँह्भई मैं सारे हुक्मां रा पालन कित्या।

कुलुस्सियां 4:13

हऊँ तिसरा गवाह भई सै तुहांरे खातर कने लौदीकिया कने हियरापुलिस नगरा रे रैहणे औल़यां रे खातर हमेशा कड़ी मेहणत करदा रैहन्दा।