रोमियो 10:12 - बिलासपुरी नौआं नियम

¹² ये इस खातर आ भई यहूदियां कने अन्यजातियां च कोई फर्क निआं, काँह्भई सारयां रा प्रभु त इक इ हाया कने सै जे तिसजो पुकाराँ ये तिन्हांजो सै बौहत आशीष देआं।

रोमियो 10:12 ပူးပေါင်းရင်းမြစ်များ

प्रेरितां 7:59

सै स्तिफनुसा पर पत्थर मारदे रै, कने सै येढ़ा बोलीने प्राथना करदा रैया, “हे प्रभु यीशु, मेरी आत्मा जो लईले।”

प्रेरितां 9:14

कने येत्थी बी इस्सो मुखियायाजकां रिया तरफा ते अधिकार मिलीरा भई जो लोक तुहां पर विश्वास कराँ यें, तिन्हां सबनी जो बन्ही लो कने यरूशलेम नगरा च लेई जाओ।”

रोमियो 14:9

काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।

रोमियो 15:12

कने फेरी यशायाह भविष्यवक्ता बी बोलां, “यिशै रा इक वंश परगट हूणा, तिस अन्यजातियां रे लोकां पर राज करना, तिस पर अन्यजातियां रे लोकां आशा रखणी।”

रोमियो 2:4

क्या तुहें परमेशरा रिया महान किरपा जो, कने सहनशक्तिया कने धैर्य जो घटिया जाणाँ ये? क्या तुहें ये नीं समझदे भई परमेशरा री किरपा तुहांरी मन फिराव करने च अगुवाई कराँ इ?

रोमियो 3:22

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

1 कुरिन्थियों 1:2

हऊँ ये चिट्ठी परमेशरा रिया तिसा कलीसिया रे लोकां जो लिख्या राँ सै जे कुरिन्थुस नगरा ची, तिस्सो जे परमेशरे मसीह यीशुये च पवित्र कित्तिरा कने पवित्र हुणे खातर सद्दीरा; कने तिन्हां सारयां विश्वासियां जो बी सै जे हर जगह अहांरे कने तिन्हारे प्रभु यीशु मसीह रे नौआं री प्राथना कराँ ये।

1 कुरिन्थियों 15:47

पैहला माहणु आदम धरतिया रा यनि मिट्टिया रा था; कने दुज्जा माहणु यनि मसीह स्वर्गा ते आ।

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

इफिसियां 2:4

पर परमेशर दया रा धनी आ; अपणे तिस महान प्यारा रिया बजह ने तिने अहांने प्यार कित्या,

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

इफिसियां 3:16

हऊँ प्राथना कराँ भई सै अपणी बेथाह महिमा रे मुतावक अपणिया पवित्र आत्मा रे जरिये तुहांरिया अन्तरात्मा जो सामर्था ने भरीने मजबूत करो।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

फिलिप्पियां 2:11

कने सारे लोक पिता परमेशरा री महिमा रे खातर सारे लोक स्वीकार करो भई यीशु मसीह इ प्रभु आ।

फिलिप्पियां 4:19

कने मसीह यीशुये सै जे कित्या तिसरिया वजह ते मेरे परमेशर तुहांजो अपणे बौहत धना ने सै किछ जे तुहांरी जरूरत इ तिसजो परमेशरा देणा।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

1 तिमुथियुस 2:5

काँह्भई परमेशर इक इ हाया, कने परमेशर कने माहणुआं रे बिच इक इ बिचौल़िया यनि यीशु मसीह सै जे माहणु बणीने इस संसारा च आया।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 19:16

कने तिसरे कपड़े कने लत्ता पर ये नौं लिखिरा : “राजयां रा राजा कने प्रभुआं रा प्रभु।”