रोमियो 1:8 - बिलासपुरी नौआं नियम

⁸ सब्बीं ते पैहले हऊँ तुहां सबनीं रे खातर यीशु मसीह रे जरिये अपणे परमेशरा रा धन्यवाद कराँ, काँह्भई मसीह पर तुहांरे विश्वासा री चर्चा सारे संसारा रे लोकां च हुया राईं।

रोमियो 1:8 ပူးပေါင်းရင်းမြစ်များ

मत्ती 24:14

स्वर्गा रे राज्जा री ये खुशखबरी सारी जातियां रे लोकां जो प्रचार कित्ती जाणी ताकि सारे लोकां जो विश्वास करने रा मौका मिलो, फेरी तांई अन्त औणा।

लूका 2:1

जिस बगत रोम देशा रा बादशाह औगस्तुस था, तिस बगत तिने ये हुक्म दित्या भई तिसरे राज्जा च औणे औल़े सारे लोकां री गिणती करीने तिन्हारे नौं लिखे जायें।

प्रेरितां 11:28

तिन्हां चते अगबुस नौआं रे इक्की भविष्यवक्ते खड़ीने पवित्र आत्मा रिया प्रेरणा ते ये दस्या भई संसारा रे बौहत सारयां देशां च नकाल़ पौणा, कने सै नकाल़ कलौदियुस बादशाह रे बगता च हुया।

प्रेरितां 28:22

पर तेरा विचार क्या? तिस्सो इ अहें तेरते सुणना चांये, काँह्भई अहें जाणाँ यें भई हर जगह इस मता रे बरोधा च लोक गल्लां कराँ ये।”

रोमियो 10:18

पर हऊँ बोलां, “सच्चीजो यहूदी लोकें परमेशरा रा सन्देश सुणीरा” काँह्भई पवित्रशास्त्रा च लिखिरा, “तिन्हांरे बोलीरे बचन सारिया धरतिया पर, कने तिन्हांरे बचन संसारा री सारियां जगहां च पुज्जी चुक्कीरे।”

रोमियो 16:19

तुहांरी आज्ञाकारिता रे चर्चे बाहर हर किसी तक पुज्जी चुक्कीरे, इस खातर तुहांते हऊँ बड़ा खुश आ, पर हऊँ चाँह भई तुहें भलाईया खातर बुद्धिमान बणीरे रौ पर बुराईया खातर भोले बणीरे रौ।

रोमियो 6:17

तुहें पैहले पापा रे दास थे, पर सै उपदेश जे तुहांजो सखाया गईरा था हुण तुहें अपणे पूरे दिला ने तिसरा पालन कित्या, इस खातर हऊँ परमेशरा रा धन्यवाद कराँ।

1 कुरिन्थियों 1:4

हऊँ तुहांरे बारे च अपणे परमेशरा रा सदा धन्यवाद कराँ, काँह्भई परमेशरा रा ये अनुग्रह तुहां पर मसीह यीशुये च हुईरा।

2 कुरिन्थियों 2:14

पर परमेशरा रा धन्यवाद ओ सै जे मसीह रे जरिये अपणे जीतणे रिया खुशिया च अहांरी हमेशा अगवाई कराँ; कने परमेशर अहांरे जरिये हर जगह मसीह रे ज्ञाना री खुशबु बिखेरदा रैयां।

इफिसियां 1:15

इसा वजह ने, हऊँ बी तिस विश्वासा जो सै जे तुहां लोकां च प्रभु यीशुये पर आ कने सारे पवित्र लोकां रे प्रति तुहांरे प्यारा री खबर सुणीने,

इफिसियां 1:16

तुहांरे खातर परमेशरा रा धन्यवाद करना नीं छडदा, कने अपणियां प्राथनां च तुहांजो याद करदा रैयां।

इफिसियां 3:21

कलीसिया च कने मसीह यीशुये च तिसरी महिमा इक्की पीढ़िया ते दुज्जिया पीढ़िया च कने जुगां-जुगां खातर हुन्दी रौओ। आमीन।

इफिसियां 5:20

कने सब गल्ला रे खातर अहांरे प्रभु यीशु मसीह रिया वजह ने अहांरे पिता परमेशरा रा हमेशा धन्यवाद करा।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

फिलिप्पियां 1:3

हऊँ जितणी बार तुहांजो आद कराँ उतणी बार अपणे परमेशरा रा धन्यवाद कराँ।

कुलुस्सियां 1:3

ताहली जे अहें तुहांरे खातर प्राथना कराँ ये, अहें अपणे प्रभु यीशु मसीह रे पिता, परमेशरा रा धन्यवाद कराँ ये,

1 थिस्सलुनीकियां 1:2

अहें तुहां सब्बीं रे खातर हमेशा परमेशरा जो धन्यवाद देन्दे रैं कने अपणी प्राथनां च याद कराँ ये।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

2 तिमुथियुस 1:3

हऊँ तिस परमेशरा रा धन्यवाद कराँ, तिसरी सेवा जे हऊँ कराँ, तियां जे मेरे पूर्वजें शुद्ध अन्तरात्मा ने कित्तिरी। ताहली जे कदीं हऊँ प्राथना कराँ हऊँ हमेशा तिज्जो अपणियां प्राथनां च लगातार याद कराँ।

फिलेमोन 1:4

फिलेमोन, ताहली जे कदीं हऊँ तेरे खातर प्राथना कराँ, तां सदा हऊँ तेरे खातर परमेशरा रा धन्यवाद कराँ,

इब्रानियों 13:15

इस खातर अहें यीशुये रे जरिये लगातार स्तुति रुपी बलिदान परमेशरा जो भेन्ट करिये, यनि ताहली जे अहें अपणे शब्दां रे जरिये अंगीकार कराँ ये भई यीशु अहांरा प्रभु आ।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।