रोमियो 1:30 - बिलासपुरी नौआं नियम

³⁰ सै कहाणियां मढ़दे रैं, सै निंध्या करने औल़े, कने परमेशरा ते नफरत करने औल़े, दुज्जेयां री बेज्जति करने औल़े, घमण्डी, डींग मारने औल़े, बुरा करने खातर नई-नई स्कीमां बनाणे औल़े कने माता-पिता रा हुक्म नीं मनणे औल़े,

रोमियो 1:30 ပူးပေါင်းရင်းမြစ်များ

मत्ती 15:4

काँह्भई परमेशरे त गलाया था, ‘तू अपणे माता-पिता रा आदर कर’, कने ‘सै जे कोई अपणे माता-पिता री बेज्जति कराँ, तिसजो जरूर मारी दित्या जाणा चाहिन्दा।’

मत्ती 16:21

तिस बगत यीशु अपणे चेलयां जो दसणे लगया, भई “मिन्जो यरूशलेम जाणा चाहिन्दा कने तित्थी यहूदी शास्त्रियां, बजुर्ग यहूदी नेतयां, कने मुखियायाजकां रे जरिये बड़ा दुख सहीने; मारया जाऊँ; फेरी तिज्जे दिन मूईरयां चा ते माह जिऊंदे हुई जाणा।”

लूका 21:16

कने तुहांरे माता-पिता, भाई-भैणां, रिश्तेदारां, मित्राँ बी तुहांजो धोखा देणा; येत्थी तक भई तुहां चते किछ लोकां री त हत्या बी करी देणी।

यूहन्ना 7:7

संसारा रे लोक तुहांजो बैर नीं करी सकदे, पर सै माहने बैर रक्खां काँह्भई हऊँ तिन्हांरे बरोधा च ये गवाही देआं भई तिन्हांरे काम्म बुरे।

प्रेरितां 5:36

काँह्भई इन्हां दिनां ते पैहले थियूदास ये बोलदा उट्ठया, सै बी दावा कराँ था भई हऊँ बी किछ हया; कने तकरीवन कोई चार सौ माहणु तिसरे चेले बणिगे, पर सै मारीत्या गया कने जितने लोक तिस्सो मन्नां थे, सब उरे-परे हुईने खत्म हुईगे।

रोमियो 2:17

पर जे तू खुद अप्पूँजो यहूदी बोलां, व्यवस्था पर भरोसा रक्खां, कने अप्पूँजो परमेशरा रा खास माहणु समझीने घमण्ड कराँ,

रोमियो 2:23

तू त व्यवस्था रे बारे च घमण्ड कराँ, क्या व्यवस्था जो तोड़ीने परमेशरा रा नरादर कराँ?

रोमियो 3:27

तां फेरी येढ़ि कोई गल्ल इ तिसरे बारे च जे अहें घमण्ड करी सक्कां ये? किछ बी नींआ! कने इसरी वजह क्या इ? क्या ये इसरी वजह इ भई अहें व्यवस्था रा पालन कराँ ये? नां, पर ये यीशु मसीह पर विश्वास करने रिया बजह नेआ।

2 कुरिन्थियों 10:15

अहें सै काम्म जे दुज्यां कित्तिरा तिसरे बारे च घमण्ड नीं करदे, तियां जे भई अहें खुद सै काम्म कित्तिरे। पर अहांरी आशा येई भई तियां-तियां जे तुहांरा विश्वास बधदा जाणा, तियां इ तुहांरे बिच अहांरे अपणे कम्मां री सीमा बौहत बधणी,

2 कुरिन्थियों 12:20

काँह्भई मिन्जो डर आ भई ताहली जे हऊँ तुहांले आऊं, तां किति तुहांजो तेढ़ा नीं पाऊँ, तेढ़ा जे पाणा चाँह था, कने तुहें बी मिन्जो तेढ़ा इ पावा तेढ़ा जे पाणा चाँये। मिन्जो डर आ भई तुहांरे बिच मिन्जो किति लड़ाईया, जल़ण, गुस्सा, विरोध, हिरख, चुगली, घमण्ड कने बखेड़े नीं मिलो।

2 थिस्सलुनीकियां 2:4

तिस परमेशरा रा बरोध करना, कने हर इक्की जो तिसरी जे लोक पूजा कराँ ये कने देबता मन्नां ये तिन्हांते तिस अप्पूँजो बड़ा खास बनाणा, येत्थी तक भई तिस परमेशरा रे मन्दरा च बैठणा कने सारयां लोकां जो ये प्रचार करना भई सै खुद परमेशर आ।

2 तिमुथियुस 3:2

काँह्भई लोकां सिर्फ अप्पूँजो प्यार करना, पैसे ने प्यार करना, डींग मारना, घमण्डी हुणे, निंध्या करने औल़े हुणे, अपणे माता-पिता रा हुक्म नीं मनणे औल़े, नमकहराम, अपवित्र हुणे,

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

याकूब 3:5

तियां इ जीभ, सै जे शरीरा रा इक छोट्टा जेआ अंग आ, पर सै बौहत बड्डी बर्बादी ल्याई सक्कां इ। देक्खा, तियां जे अग्गी री इक छोट्टी जेईया चिन्गारिया ने सारा जंगल फुखी जां।

याकूब 4:16

पर हुण तुहें अपणिया योजना रे बारे च घमण्ड कराँ ये; सै सारा घमण्ड बुरा हुआं।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

यहूदा 1:16

ये लोक लगातार कुड़कुड़ां ये कने शिकायत कराँ ये; सै अपणियां बुरियां इच्छां रे मुतावक चलां ये कने सै अपणे बारे च घमण्ड कराँ ये कने अपणे फायदे रे खातर लोकां री चापलुसी कराँ ये।