रोमियो 1:25 - बिलासपुरी नौआं नियम

²⁵ काँह्भई तिन्हे परमेशरा रिया सच्चाईया जो छड्डिने झूट्ठा पर विश्वास कित्या कने परमेशरा री बणाईरी चिज़ां री अराधना कने सेवा कित्ती, पर सै दुनिया रे बनाणे औल़े जो भुल्ली गये, सै जे सदा प्रशंसा रे काबिल आ! आमीन।

रोमियो 1:25 ပူးပေါင်းရင်းမြစ်များ

मत्ती 10:37

“सै जे अपणे माता-पिता जो मेरते जादा प्यार कराँ, सै मेरा चेला बणने रे लायक नींये; कने सै जे अपणे बेटे या बेटिया जो मेरते जादा प्यार कराँ, सै मेरा चेला बणने रे लायक निआं;

मत्ती 6:24

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

यूहन्ना 2:8

फेरी तिने सेवकां ने बोल्या, “हुण थोड़ा जेआ पाणी इन्हां चते कड्डीने दाबता रा इन्तजाम कराणे औल़े मुखिये ले लेई जवा।” कने सै दाखरस तिसले लेईये।

रोमियो 1:18

परमेशरा रा गुस्सा स्वर्गा ते तिन्हां सारे अविश्वासी कने पापी लोकां रे ऊपर भड़कां सै जे सच्चाईया जो अपणिया बुराईया ने दबाई रखां ये।

रोमियो 1:23

कने तिन्हें तेजोमय कने अविनाशी परमेशरा री अराधना करने रे बजाय, तिन्हें नाश हुणे औल़े माहणुआं, चिड़ियां, पशुआं कने सर्पां साई मूर्तियां री अराधना कित्ती।

रोमियो 9:5

अब्राहम, इसहाक कने याकूब तिन्हांरे पूर्वज ये, कने सै जे यीशु मसीह रे बी पूर्वज थे, सै जे परमेशर आ कने सै जे सब्बीं रे ऊपर राज कराँ, तिसरी हमेशा प्रशंसा ओ! आमीन।

2 कुरिन्थियों 11:31

अहें सदा परमेशर कने अहांरे प्रभु यीशुये रे पिता री प्रशंसा कराँ ये! काँह्भई परमेशर जाणाँ भई हऊँ सच्च बोलीराँ।

इफिसियां 3:21

कलीसिया च कने मसीह यीशुये च तिसरी महिमा इक्की पीढ़िया ते दुज्जिया पीढ़िया च कने जुगां-जुगां खातर हुन्दी रौओ। आमीन।

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

1 तिमुथियुस 1:11

ये सही शिक्षा अहांरे अदभुत परमेशरा री महिमा रिया तिस खुशखबरिया रे मुतावक आ सै जे मिन्जो सौंपी गईरी।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

2 तिमुथियुस 3:4

विश्वासघाती, लापरवाह, घमण्डी कने सै परमेशरा ने प्यार करने री बजाय सुखा जो चाहणे औल़े हुणे।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।