रोमियो 1:24 - बिलासपुरी नौआं नियम

²⁴ इस खातर परमेशरे सै मनां रियां लालसां रे मुतावक बुरी इच्छां रे बशा च करी ते; तिसरिया वजह ते जे सै बुरयां कम्मां च पैईने इक्की-दूये रे जिस्मां रा अनादर करने लगे।

रोमियो 1:24 ပူးပေါင်းရင်းမြစ်များ

मत्ती 15:14

इन्हांजो छड्डा; सै परमेशरा रियां आज्ञां माहणुआं जो नीं सखान्दे, तियां जे भई अन्हा माहणु अन्हे जो रस्ता नीं दस्सी सकदा, काँह्भई तिन्हां गढे च पैई जाणा।”

प्रेरितां 14:16

तिने पिछले बगता च सब्बीं जातियां जो अपणे-अपणे रस्तयां पर चलने दित्या।

प्रेरितां 7:42

इस खातर परमेशरे अपणा मुँह तिन्हांते फेरीने तिन्हांजो छड़ीत्या, भई अम्बरा रे गणां री पूजा करा, तेढ़ा जे भविष्यवक्तयां रिया कताबा च लिखिरा, ‘हे इस्राएल रे लोको, क्या तुहें पशु बल़ि कने अन्न बल़ि सुनसान जगह च, चाल़ी साल्लां तका मिन्जो इ नीं चढ़ांदे रै?

रोमियो 6:12

इस खातर तुहांरे नाशवान शरीराँ पर पाप राज नीं करो, ताकि तुहें पापां रियां इच्छां रे मुतावक नीं चलो;

1 कुरिन्थियों 6:13

तुहां चते किछ लोक ये बोलां ये, “रोटी पेट्टा रे खातर इ कने पेट रोटिया रे खातर आ,” पर परमेशरा दुईं जो नाश करना। शरीर व्यभिचारा खातर नींआ, पर प्रभुये खातर आ; कने प्रभु शरीरा रे खातर आ।

1 कुरिन्थियों 6:18

व्यभिचारा ते दूर रौआ। माहणुये रे सारे दुज्जे पाप तिसरे शरीरा ते बाहर ये, पर व्यभिचार करने औल़ा अपणे इ शरीरा रे बरोधा च पाप कराँ।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।

1 थिस्सलुनीकियां 4:4

काँह्भई तुहां चते हरेक जो पवित्रता कने आदरा सौगी अपणे शरीरा जो बशा च करना सिखणे री जरूरत इ।