रोमियो 1:20 - बिलासपुरी नौआं नियम

²⁰ काँह्भई परमेशरा री अनन्त सामर्थ कने स्वाभाव कोई बी देक्खी नीं सकदा। पर संसारा रिया सृष्टिया रे बगता तेई परमेशरे अपणे कम्मां रे जरिये ये साफ-साफ दस्सीरा। इस खातर लोकां ले कोई बहान्ना निआं।

रोमियो 1:20 ပူးပေါင်းရင်းမြစ်များ

मत्ती 5:45

ताकि तिसते तुहां स्वर्गा च रैहणे औल़े अपणे पिता रे बच्चे बणना; काँह्भई सै भलयां कने बुरयां दुईं लोकां पर सूरजा री लोय बराबर कराँ, कने धर्मी कने पापी सबनीं लोकां पर सै बराबर बरखा कराँ।

मरकुस 10:6

पर सृष्टिया रे शुरुआता तेई परमेशरे नर कने नारी करीने तिन्हांजो बणाईरा।

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना 15:22

जे हऊँ नीं औन्दा कने तिन्हांने गल्लां नीं करदा, तां तिन्हां चते किसी बी पापी नीं हूणा था। पर हुण अपणे पापां खातर तिन्हाले कोई बी बहान्ना निआं।

प्रेरितां 17:29

“कने काँह्भई अहें परमेशरा रा वंश ये इस खातर अहांजो ये कदीं नीं सोचणा चाहिन्दा भई सै दिव्य अस्तित्व सोना या चान्दी या पत्थरा री बणीरी माहणुये री कल्पना या कारीगरिया ने बणी किसी मूरता साई आ।

प्रेरितां 22:1

“हे भाईयो कने पित्रो मेरा जवाब सुणा, सै जे माह हुण तुहांरे सामणे देणा।”

रोमियो 1:19

काँह्भई ये सब लोक जाणी सक्कां ये भई परमेशर केढ़ा, काँह्भई परमेशरे खुद अप्पूँजो तिन्हां पर परगट कित्तिरा।

रोमियो 16:26

पर परमेशरा रे हुक्मा ते भविष्यवक्तयां रे लेखां रे जरिये हुण अहांजो कने अन्यजातियां जो प्रचार करीने दस्सीत्या, ताकि सारी जातियां विश्वास करी सक्को कने तिसरी आज्ञा मन्नी सक्को।

रोमियो 2:1

इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

रोमियो 2:15

सै व्यवस्था रियां गल्लां जो अपणे-अपणे मनां च लिखी रियां दस्सां ये कने तिन्हांरी अन्तरात्मा (विवेक) बी इसा गल्ला री गवाही देईं, कने तिन्हारा सोच-बचार अप्पूँ बाटियें तिन्हांजो दोष लगां; या तिन्हांजो निर्दोष बणां।

1 कुरिन्थियों 1:20

किति आ ज्ञानी, किति आ शास्त्री कने किति आ इस जुगा रा विवादी? क्या परमेशरे संसारा रे सारे ज्ञान्ना जो मूर्खता साबित नीं कित्या?

कुलुस्सियां 1:15

कोई बी परमेशरा जो देखी नीं सकदा, पर ताहली जे तिसरा पुत्र माहणु बणया तां तिने लोकां पर परमेशरा जो परगट कित्या, कने परमेशरे जो किछ बणाईरा तिसरे ऊपर तिसरा इ प्रधान अधिकार आ।

कुलुस्सियां 2:9

काँह्भई ताहली जे मसीह माहणुये रे रुपा च आया, तां बी सै पूरे तरिके ने परमेशर था।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।

इब्रानियों 11:27

तिने विश्वासा रे जरिये राजे रे गुस्से ते बिणा डरे मिस्र देशा जो छड्डीत्या। काँह्भई सै तियां जाया राँ था तियां जे भई सै परमेशरा जो देख्यारा था, तिस्सो जे कोई देक्खी नीं सकदा।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।