रोमियो 1:10 - बिलासपुरी नौआं नियम

¹⁰ कने हऊँ अपणिया हरेक प्राथना च सदा येई विनती कराँ भई परमेशरा रिया इच्छा ते, किसी न किसी तरिके ने मिन्जो आखिर च तुहांले औणे रा मौका मिलो।

रोमियो 1:10 ပူးပေါင်းရင်းမြစ်များ

प्रेरितां 18:21

पर सै येढ़ा बोलीने तिन्हांते विदा हुआ, “जे परमेशरे चाहया तां हऊँ तुहां ला फेरी औंगा।” तां सै इफिसुस ते जहाजा खोली ने चलीप्या;

प्रेरितां 19:21

ताहली जे ये गल्लां हुई चुक्कियां तां पवित्र आत्मे पौलुसा जो मकिदुनिया कने अखाया प्रदेशा चियें हुईने यरूशलेम जो अगवाई कित्ती, कने गलाया, “तित्थी जाणे ते बाद मेरा रोम नगरा जो जाणा बी जरूरी आ।”

प्रेरितां 21:14

तां जे सै नीं मन्या तां अहें येढ़ा बोलीने चुप हुईगे, “प्रभुये री इच्छा पूरी हुईजो।”

रोमियो 15:29

कने हऊँ जाणाँ भई ताहली जे मांह तुहांले औणा, तां मसीह रियां पूरियां आशीषा तुहांजो बंडणियाँ।

1 कुरिन्थियों 1:1

हऊँ, पौलुस तुहांजो नमस्कार बोलां, सै जे परमेशरा रिया इच्छा ते यीशु मसीह रा प्रेरित हुणे खातर चुणया गईरा। कने अहांरा साथी विश्वासी सोस्थिनेस बी तुहांजो नमस्कार बोलां।

1 कुरिन्थियों 4:19

पर प्रभुये चाहया तां माह तुहांले बौहत इ छोड़े औणा, तां फेरी नां सिर्फ तिन्हां घमण्डी लोकां रिया शिक्षा, पर तिन्हां रिया सामर्था जो बी जाणी लेन्गा।

फिलिप्पियां 4:6

किसी बी गल्ला री चिन्ता मता करदे; पर हर इक गल्ला च धन्यवादा सौगी प्राथना कने विनतिया च अपणे निवेदन परमेशरा रे सामणे रखदे जावा।

1 थिस्सलुनीकियां 2:18

इस खातर अहें यनि मैं पौलुसे इक बार नीं बल्कि बौहत बार तुहांले औणा चाहया, पर शैताने अहांजो रोकी रखया।

फिलेमोन 1:22

होर इक गल्ल येई: मेरे रैहणे खातर अपणे घरें जगह त्यार कर, काँह्भई मिन्जो आशा इ भई परमेशरा तुहांरियां प्राथनां रा जबाब देणा कने तुहांले फेरी भीं औणे खातर इजाज़त देंगा।

इब्रानियों 13:19

प्राथना करने खातर हऊँ तुहांजो होर बी विनती कराँ भई हऊँ जल़द तुहांले फेरी आई सक्कूँ।

याकूब 4:15

इसरे बजाय तुहांजो ये बोलणा चाहिन्दा, भई “जे प्रभु चाओ तां अहें जिऊंदा रैहन्गे, कने ये या सै काम्म बी करगे।”