प्रकाशितवाक्य 9:21 - बिलासपुरी नौआं नियम

²¹ महामारिया ते बचीरे लोकें हत्या करना, जादू टोणा, व्यभिचार, कने चोरी करना नीं छड्डया।

प्रकाशितवाक्य 9:21 ပူးပေါင်းရင်းမြစ်များ

मत्ती 15:19

काँह्भई बुरे बिचार, हत्या, परस्त्रीगमन, व्यभिचार, चोरी, झूट्ठी गवाही कने निंध्या करना, ये सारी बुराईयां मना तेई औआं इयां।

2 कुरिन्थियों 12:21

मिन्जो डर आ भई ताहली जे हऊँ फेरी तुहांजो मिलणे आऊं, तां तुहांरे सामणे मेरा परमेशर किति मेरी बेज्जति नीं करो, कने मिन्जो तिन्हां बौहत लोकां रे खातर बिलाप नीं करने पौ, तिन्हेंजे पैहले पाप कित्तिरा था, कने गन्दे काम्म, कने व्याभिचार, कने भोग-विलासा च डुब्बीरे मन नीं फिराया।

गलातियां 5:20

मूर्ति पूजा, जादू-टोणा, बैर-बरोध, लड़ाई-झगड़ा, हिरख, गुस्सा, स्वार्थ, मनमुटाव, फूट,

प्रकाशितवाक्य 13:13

सै बडे-बडे नशाण दस्सां था, येत्थी तका भई माहणुआं रे सामणे स्वर्गा ते धरतिया परा आग्ग बरसाई देआं था।

प्रकाशितवाक्य 13:15

कने तिस्सो तिस पशुये रिया मूर्तिया च प्राण पाणे रा अधिकार दित्या गया, ताकि पशुये री मूर्ति बोलणे लगो; कने जितने लोक जे तिस पशुये रिया मूर्तिया जो पूजणे ते इन्कार करो, तिन्हांजो मरवाई दे।

प्रकाशितवाक्य 13:7

तिस पशुये जो ये अधिकार दित्या गया भई सै परमेशरा रे लोकां रे खलाफ लड़िये कने तिन्हां पर जय पाओ। तिस पशुये जो हरेक कुल़ कने लोकां कने भाषा कने जातिया पर राज करने रा अधिकार दित्या गया।

प्रकाशितवाक्य 14:8

फेरी इसते बाद इक होर दुज्जा स्वर्गदूत ये बोलदा हुआ आया, “टिरीग्या, सै बड़ा बेबीलोन नगर टिरी गया, काँह्भई तिसे अपणे व्यभिचारा री तिखी मदिरा सब्बीं जातियां जो प्याईरी।”

प्रकाशितवाक्य 16:6

काँह्भई तिन्हें परमेशरा रे लोकां रा, कने भविष्यवक्तयां रा खून बहाया था, कने तैं तिन्हांजो खून प्याया; काँह्भई सै इस इ लायक ये।”

प्रकाशितवाक्य 17:2

तिसा सौगी जे धरतिया रे राजयां व्यभिचार कित्या; कने धरतिया रे रैहणे औल़े तिसारे व्यभिचारा रिया मदिरा ते मतवाले हुईगरे थे।”

प्रकाशितवाक्य 17:4

इसे औरते बैंगणी कने लाल रंगा रे कपड़े पैहनीरे थे, कने सोने, कने बड़ी कीमती मणियां कने मोतियां ने सजीरी थी। तिसारे हत्था च इक सोने रा कटोरा था सै जे घिनौनी चीजां ने कने तिसारे व्यभिचारा रिया गन्दी चिज़ां ने भरीरा था।

प्रकाशितवाक्य 17:5

तिसरे मत्थे पर ये नौं लिखिरा था; “भेत बड्डा बेबीलोन, धरतिया रियां वैश्यां कने गन्दियां चिज़ां री मौ।”

प्रकाशितवाक्य 18:3

काँह्भई तिसरे व्यभिचार री तिखी मदिरा सारी जातियें पित्तीरी, धरतिया रे राजयां तिसने सौगी व्यभिचार कित्तिरा, कने धरतिया रे ब्यापारी तिसरे सुख-बलासा रे जादा हुणे ते अमीर हुईगरे।”

प्रकाशितवाक्य 19:2

काँह्भई तिसरे न्याय सच्चे कने ठीक ये, इस खातर भई तिने तिसा बड्डिया वेश्या रा न्याय कित्या, सै जे सारिया धरतिया जो अपणे व्यभिचारा ने गुमराह कराँ थी, कने तिसाते अपणे दास्सां रे खून्ना रा बदला लित्या।”

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”

प्रकाशितवाक्य 22:15

पर कुत्ते, जादूगर, व्यभिचारी, हत्यारे, मूर्त्तिपूजक, कने हरेक झूट्ठा रा चाहणे औल़ा कने झुट्ठियां गल्लां बनाणे औल़ा बाहर रैहणा।

प्रकाशितवाक्य 9:20

फेरी भीं महामारिया ते बचीरे लोक सै जे नीं मरे थे, मन नीं फिराया, ये भई तिन्हें बुरीआत्मा री कने बेजान सोने, चाँदी, पीतल, पत्थराँ कने लकड़ां रियां मूर्तियां री पूजा करना बन्द नीं कित्या। ये मूर्तियां नांत देक्खी सकदियां, नां सुणी सकदियां, नां चली सकदियां।