प्रकाशितवाक्य 8:13 - बिलासपुरी नौआं नियम

¹³ ताहली जे मैं फेरी देख्या, तां अम्बरा रे बिच इक्की ऊकाबा जो उड़दे कने ऊच्चिया अवाज़ा च येढ़ा बोलदे सुणया, “इन्हां तिन्नां स्वर्गदूतां री तुरहिया री अवाज़ा रिया वजह ते, तिन्हांरा बजणा जे अजें बाकी आ, धरतिया पर रैहणे औल़यां पर हाय, हाय, हाय!”

प्रकाशितवाक्य 8:13 ပူးပေါင်းရင်းမြစ်များ

इब्रानियों 1:14

तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

प्रकाशितवाक्य 11:14

दुज्जी विपत्ति खत्म हुई; हुण तिज्जी विपत्ति छोड़े औणे औल़ी।

प्रकाशितवाक्य 12:12

इस खातर हे स्वर्गो कने तिन्हां च रैहणे औल़यो, मौज करा! पर हे धरती, कने समुद्र, तुहां परा लाणत इ! काँह्भई शैतान बड़े गुस्से सौगी तुहांले उतरी ने आईरा! काँह्भई सै जाणाँ भई तिसरा थोड़ा इ बगत होर बाकी आ।”

प्रकाशितवाक्य 14:3

कने सै संघासणा रे सामणे कने चऊँ जिऊंदे प्राणियां कने प्राचीनां रे सामणे मन्नो इक नया गीत गाया राँ थे, कने सै जे धरतिया ते कीमत देईने छडवाईरे थे, तिन्हां इक लाख चौताली हज़ार लोकां जो छड्डिने कोई तिस गीता जो सिक्खी नीं सकदा था।

प्रकाशितवाक्य 14:6

फेरी मैं इक होर स्वर्गदूता जो अम्बरा रे बिच उडदे हुये देख्या, तिसले जे धरतिया रे रैहणे औल़यां री हरेक जाति, कुल़, भाषा कने लोकां जो सुनाणे खातर अनन्त खुशखबरी थी।

प्रकाशितवाक्य 19:17

फेरी मैं इक्की स्वर्गदूता जो सूरजा पर खढ़िरे देख्या, तिने बौहत जोरा रिया अवाज़ा च हाक्क पाईने अम्बरा च उडणे औल़े सारे पंछियां ने गलाया, “औआ, कने परमेशरा रे बड्डे भोज्जा च कट्ठे हुई जावा,

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 8:2

फेरी मैं तिन्हां सत्तां स्वर्गदूतां जो देख्या सै जे परमेशरा रे सामणे खड़े रैं, कने तिन्हांजो सात्त तुरहियां दित्तियां गईयां।

प्रकाशितवाक्य 9:1

ताहली जे पँजवें स्वर्गदूते अपणी तुरही बजाई, तां मैं स्वर्गा ते धरतिया परा इक तारा टिरदा देख्या, कने तिस्सो अथाह कुण्डा री चाबियां दित्तियां गईयां।

प्रकाशितवाक्य 9:12

पैहली विपत्ति खत्म हुई; देक्खा, इन्हां सरियां गल्लां ते बाद दो होर विपत्तियां औणे औल़ियां इ।