प्रकाशितवाक्य 7:14 - बिलासपुरी नौआं नियम

¹⁴ मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।

प्रकाशितवाक्य 7:14 ပူးပေါင်းရင်းမြစ်များ

मत्ती 24:21

तिन्हें दिनें येढ़ि बिपत्ति औणी, तऊँआं ते जे परमेशरे ये संसार रचया तेढ़ी आज्ज तक कदीं नीं आई कने न कदीं औणी।

मरकुस 13:19

काँह्भई सै दिन येढ़े कष्टा रे हुणे भई सृष्टिया रिया शुरुआता ते, सै जे परमेशरे रचीरी, हूणा तकौ नांत हुये कने नां फेरी कदीं हुणे।

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

रोमियो 5:3

इतणा इ नीं, बल्कि ताहली जे अहें परेशानियां च हुआं ए तां बी आनन्दित हुई सक्कां ए, काँह्भई अहें जाणाँ ये भई ताहली जे अहें दुख सैआं ए तां बौहत अच्छे तरीके ने धीरज रखणा बी सिक्खां ए,

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

2 थिस्सलुनीकियां 1:4

इस खातर अहें खुद परमेशरा रिया कलीसियां रे विश्वासियां रे बिच तुहांरे बारे च घमण्ड कराँ ये, हलाँकि तुहें सताव कने दुखां रा अनुभव कराँ ये, फेरी बी तुहें लगातार धीरजा ने सैंये कने हुण तुहें यीशु मसीह पर बी विश्वास कराँ ये।

इब्रानियों 13:12

इसा वजह ते, यीशुये बी लोकां जो अपणे इ लहूये रे जरिये पवित्र करने खातर यरूशलेम नगरा ते बाहर दुख सैया कने मरया।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

1 पतरस 1:19

पर निर्दोष कने कलंक रहित मेमने यनि मसीह रे कीमती खून्ना ते हुई।

1 यूहन्ना 1:7

पर तियां जे परमेशर जोति आ, तियां इ जे अहें बी जोतिया च जीवन बिताईये, तां अहें इक्की दुज्जे ने संगती रखां ये, कने तिसरे पुत्र यीशु मसीह रा खून अहांजो सारयां पापां ते साफ कराँ।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 12:11

“तिन्हें मेमने रे खून्ना रिया वजह ते कने अपणिया गवाहिया रे बचना रिया वजह ते तिस पर जीत पाईरी, काँह्भई तिन्हें मरते दम तक अपणिया जानी री परवाह नीं कित्ती।

प्रकाशितवाक्य 15:2

फेरी मैं अग्गी च मिस्से शीशे साई इक समुद्र देख्या; सै लोक जे तिस पशुये पर कने तिसरिया मूर्तिया पर, कने तिसरे नौंआं रे अंका पर जयवन्त हुये थे, तिन्हांजो तिस कच्चा रे समुद्रा ले परमेशर रियां वीणां जो लईने खढ़िरे देख्या।

प्रकाशितवाक्य 17:6

मैं तिसा औरता जो परमेशरा रे लोकां कने यीशुये रे गवाहां रा खून पीणे ते मतवाली हुईरी देख्या; कने ताहली जे मैं तिसाजो देख्या हऊँ हैरान हुईग्या।

प्रकाशितवाक्य 2:9

हऊँ तेरे दुख, कने तेरी गरीबिया जो जाणाँ, पर तू अमीर आ! कने हऊँ तिन्हां रिया निंध्या जो बी जाणाँ सै लोक जे अप्पूँजो यहूदी बोलां ये, कने हये नींये, पर शैतान्ना री सभा ये।

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;