प्रकाशितवाक्य 6:8 - बिलासपुरी नौआं नियम

⁸ मैं इक हल्के पिऊल़े रंगा रा घोड़ा देख्या, कने तिसरे स्वारा रा नौं मौत आ; कने अधोलोक तिसरे पिच्छे-पिच्छे जाया राँ था; कने तिन्हांजो धरतिया रे चौथे हिस्से पर ये अधिकार दित्या गया, भई तलवार, नकाल़, महामारी, कने धरतिया रे वन पशुआं रे जरिये लोकां जो मारी दो।

प्रकाशितवाक्य 6:8 ပူးပေါင်းရင်းမြစ်များ

मत्ती 11:23

कने तुहें कफरनहूम नगरा रे लोको, क्या तुहें सोच्चां भई तुहांजो स्वर्गा च आदर दित्या जाणा? परमेशरा तुहांजो अधोलोका च सटणा! काँह्भई सै सामर्था रे काम्म जे तू च कित्तिरे, जे सै सदोम नगरा च कित्ते हुन्दे, तां सै नगर अज्जा तक टिक्कीरा हुन्दा।

मत्ती 24:7

हर इक्की जातिया दुज्जिया जातिया रे बरोधा च खढ़ना, कने इक्की देशा दुज्जे देशा रे बरोधा च खढ़ना, कने जगह-जगह नकाल़ पौणे, कने हिल्लण हुणे।

1 कुरिन्थियों 15:55

अरे मौत तेरी जीत किति रैई? अरे मौत तेरा डंग किति रैया?”

प्रकाशितवाक्य 1:18

हऊँ जिन्दगिया रा सोता; हऊँ मरी चुक्कीरा था, पर हुण हऊँ हमेशा खातर जीवित आ। मौत कने अधोलोका रियां चाबियाँ मेरले इयां।

प्रकाशितवाक्य 12:4

तिने अपणिया फूंटिया ने अम्बरा रे तारयां रा इक तिहाई खिंज्जी ने धरतिया परा सट्टीत्या। सै अजगर तिसा औरता रे सामणे खड़ा हुईग्या सै जे बच्चे जो जणने औल़ी थी, ताकि ताहली जे सै बच्चा जणे तां अजगर बच्चे जो खाई सक्को।

प्रकाशितवाक्य 9:15

सै चारों दूत सै जे तिस वगत, दिन, महीने कने साल्ला खातर कैद कित्ते गईरे, अजाद करी ते ताकि सै धरतिया री सारिया जनसंख्या रे इक तिहाई जो मारी देओ।

प्रकाशितवाक्य 9:18

इन्हां तिन्नां महामारियां; यनिके तिन्हां घोड़यां रे मुँआं ते निकल़णे औल़ी आग्ग, धुआँ कने गन्धका ते माहणु जातिया रे इक तिहाई मारी दित्ते गै।