प्रकाशितवाक्य 6:11 - बिलासपुरी नौआं नियम

¹¹ तिन्हां चते हरेक जो चिट्टा चोल़ा दित्या गया, कने तिन्हांने गलाया भई किछ देर होर रमान करा, तदुआं तका जे तुहांरे संगी दास्सां कने विश्वासियां री गिणती पूरी नीं हुई जाओ, सै जे तुहां साई मारे जाणे औल़े।

प्रकाशितवाक्य 6:11 ပူးပေါင်းရင်းမြစ်များ

मत्ती 10:21

तुहांजो अविश्वासी लोकां पकड़ीने हाकिमां ले मारने जो सौंपणा, काँह्भई तुहें माह पर विश्वास कराँ ये, उदाहरणा रे तौरा पर भाईये अपणे भाई पकड़वाई ने हाकिमां ते मौती री सजा दवाणी, मौ-बुढ़यां अपणयां बच्चयां जो पकड़वाणा कने बच्चयां तिन्हांरे खलाफ हुई जाणा; तिन्हां सै मरवाई देणे।

लूका 15:22

पर तिसरे पिता अपणे नोकराँ जो हुक्म दित्या, छोड़चा ने घरें जाईने सारयां ते बधिया कपड़े लेईने औआ कने इसजो पैहनाओ। इसरे हत्था च गुट्ठी कने पैराँ च जुत्ते पैहनावा।

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

2 थिस्सलुनीकियां 1:7

कने तुहें सै जे पीड़ा सैयां राँये कने अहांजो बी तिस चैन देणा। ये तिस वगत हूणा ताहली जे प्रभु यीशुये अपणे सामर्थी दूतां सौगी, भड़की रिया अग्गी च स्वर्गा ते प्रगट हूणा,

2 तिमुथियुस 4:7

मैं मसीह रे खातर कड़ी मेहणत कित्तिरी तियां जे भई मैं ठीक ढंगा ने कुश्ती लड़ीरी कने हऊँ सै काम्म पूरा करी चुक्कीरा सै जे यीशु मसीह मिन्जो करने खातर दित्या कने हऊँ आखिर तक बफादार रैया।

इब्रानियों 11:40

काँह्भई परमेशरे अहां खातर पैहले तेई इक अच्छी योजना बणाई थी। तिसरा मकसद ये था भई सै सिर्फ अहां सौगी सिद्ध बणो।

इब्रानियों 12:23

कने तुहें परमेशरा रे पैहलौठे बच्चे रिया कलीसिया च आईगरे, तिन्हारे नौं जे स्वर्गा च लिखे गईरे। ये धर्मी लोकां री आत्मा इ सै जे हल्तिये स्वर्गा चे, कने तिन्हांजो सिद्ध कित्या गया कने तुहें खुद परमेशरा ले आईगरे सै जे सारियां गल्लां रा न्याय करने औल़ा।

इब्रानियों 4:10

काँह्भई सै जे कोई परमेशरा रे विस्रामा च प्रवेश कराँ, तिने बी परमेशरा साई अपणयां कम्मां जो पूरा करीने विस्राम कित्तिरा।

प्रकाशितवाक्य 10:6

कने सै जे युगां-युगां तक जीवित आ, कने तिने जे स्वर्ग, धरती कने समुद्रा जो कने जो किछ तिन्हां चा बणाया, तिसरी कसम खाईने गलाया, “हुण त होर देर नीं हूणी।

प्रकाशितवाक्य 13:15

कने तिस्सो तिस पशुये रिया मूर्तिया च प्राण पाणे रा अधिकार दित्या गया, ताकि पशुये री मूर्ति बोलणे लगो; कने जितने लोक जे तिस पशुये रिया मूर्तिया जो पूजणे ते इन्कार करो, तिन्हांजो मरवाई दे।

प्रकाशितवाक्य 14:13

फेरी मैं स्वर्गा ते ये अवाज़ सुणी, “लिख: सै मृतक जे प्रभुये च मराँ ये, सै हुण आशीषित ये।” पवित्र आत्मा बोलां, “हाँ, काँह्भई तिन्हां अपणिया मेहणता ते आराम पाणा, कने तिन्हांरे भले काम्म तिन्हां सौगी ये।”

प्रकाशितवाक्य 17:6

मैं तिसा औरता जो परमेशरा रे लोकां कने यीशुये रे गवाहां रा खून पीणे ते मतवाली हुईरी देख्या; कने ताहली जे मैं तिसाजो देख्या हऊँ हैरान हुईग्या।

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;