प्रकाशितवाक्य 5:9 - बिलासपुरी नौआं नियम

⁹ कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

प्रकाशितवाक्य 5:9 ပူးပေါင်းရင်းမြစ်များ

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

मत्ती 26:28

काँह्भई ये वाचा रा मेरा सै खून आ, सै जे मते लोकां खातर बगाया जाईराँ, ताकि तिन्हांरे पापां जो माफ करना सम्भब हुई सक्को।

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

1 कुरिन्थियों 6:20

काँह्भई तुहांजो दाम देईने खरीदया गईरा, इस खातर अपणे शरीरा रे जरिये परमेशरा री महिमा करा।

1 कुरिन्थियों 7:23

परमेशरे दाम देईने तुहांजो खरीदी लरा इस खातर लोकां रे दास मत बणा।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

इफिसियां 5:19

कने अप्पूँ बाटियें भजन कने स्तुति रे गीत कने आत्मिक गीत गाया करा, कने अपणे-अपणे मना च प्रभुरे सामणे गान्दे कने कीर्तण करदे रौआ।

कुलुस्सियां 1:14

अपणे पुत्रा रे बलिदान्न रे जरिये परमेशरे अहांजो शैतान्ना रिया शक्तिया ते अजाद कित्या, कने अहांरे पापां जो माफ कित्या।

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

इब्रानियों 11:14

सै जे येढ़ियां गल्लां बोलां ये, सै ये दस्सां ये भई अपणे देशा रिया टोल़ा चे।

2 पतरस 2:1

तियां जे एस्राइली लोकां च झूट्ठे भविष्यवक्ता थे, विल्कुल तियां इ तुहां च बी झूट्ठे शिक्षक परगट हुणे, कने छिपिने झूट्ठी शिक्षा देणी, तिसते जे लोकां मसीह पर विश्वास करना छडी देणा। इन्हां झूट्ठे शिक्षकां बी मसीह जो अपणे स्वामिये रे रुपा च ग्रहण करने ते इन्कार करना तिने जे तिन्हांजो पापां ते अजाद कित्तिरा। येढ़ा करीने तिन्हां खुद अचानक अपणा नाश करना।

1 यूहन्ना 1:7

पर तियां जे परमेशर जोति आ, तियां इ जे अहें बी जोतिया च जीवन बिताईये, तां अहें इक्की दुज्जे ने संगती रखां ये, कने तिसरे पुत्र यीशु मसीह रा खून अहांजो सारयां पापां ते साफ कराँ।

1 यूहन्ना 2:2

कने सैई अहांरे पापां रे प्रायश्चिता खातर इक बलिदान बणया, कने न सिर्फ अहांरे पापां रा बल्कि सारे संसारा रे पापां रा बी।

प्रकाशितवाक्य 10:11

फेरी माहने बोल्या गया भई, “तिज्जो बौहत सारयां लोकां, जातियां, भाषां कने राजयां रे बारे च फेरी भविष्यवाणी करने पौणी।”

प्रकाशितवाक्य 11:9

कने सरयां राष्ट्राँ, कुल़ां, भाषां कने जातियां चते लोक साढे तिन्नां दिनां तक तिन्हांरियां लाशां जो देखदयां रैहणा, पर तिन्हांरियां लाशां जो कब्राँ च रखणे री किसी जो इजाज़त नीं देणी।

प्रकाशितवाक्य 13:7

तिस पशुये जो ये अधिकार दित्या गया भई सै परमेशरा रे लोकां रे खलाफ लड़िये कने तिन्हां पर जय पाओ। तिस पशुये जो हरेक कुल़ कने लोकां कने भाषा कने जातिया पर राज करने रा अधिकार दित्या गया।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

प्रकाशितवाक्य 14:6

फेरी मैं इक होर स्वर्गदूता जो अम्बरा रे बिच उडदे हुये देख्या, तिसले जे धरतिया रे रैहणे औल़यां री हरेक जाति, कुल़, भाषा कने लोकां जो सुनाणे खातर अनन्त खुशखबरी थी।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 17:15

फेरी स्वर्गदूते मेरने गलाया, “जिस पाणिये पर तैं वैश्या जो बैठीरी देख्या, सै लोक, कुल़, जातियां कने भाषां इ।

प्रकाशितवाक्य 4:11

“हे अहांरे प्रभु कने परमेशर, तूई महिमा, आदर कने सामर्था रे लायक आ; काँह्भई तैंई सब चिज़ां बणाई रियां कने तेरिया इ इच्छा ते इन्हांरी रचना हुई कने सै मौजूद इ।”

प्रकाशितवाक्य 5:12

तिन्हें ऊच्चिया अवाज़ा च गाया, “बध कित्तिरा मेमना इ सामर्थ, धन, ज्ञान, शक्ति, आदर, महिमा कने स्तुति रे लायक आ।”

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।