प्रकाशितवाक्य 5:6 - बिलासपुरी नौआं नियम

⁶ फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।

प्रकाशितवाक्य 5:6 ပူးပေါင်းရင်းမြစ်များ

लूका 1:69

कने अपणे सेबक राजा दाऊद रे कुल़ा च अहांरे खातर इक महान छुटकारा करने औल़े जो भेज्या,

यूहन्ना 1:29

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

यूहन्ना 1:36

कने तिने यीशुये जो सामणे जान्दे हुये देख्या कने गलाया, “देक्खा ये परमेशरा रा मेमना।”

प्रेरितां 8:32

पवित्रशास्त्रा रा सै पाठ जे सै पढ़या रां था, सै ये था : “सै भेड्डां साई कटोणे जो पुजाया गया, कने तियां जे भेड्डा रा बच्चा अपणी ऊन कड्डणे औल़यां रे सामणे चुप-चाप रैयां, तियां इ तिने बी अपणा मुँह नीं खोल्या, ताहली जे लोक तिस्सो पीड़ा दें थे।

प्रकाशितवाक्य 1:4

हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,

प्रकाशितवाक्य 12:11

“तिन्हें मेमने रे खून्ना रिया वजह ते कने अपणिया गवाहिया रे बचना रिया वजह ते तिस पर जीत पाईरी, काँह्भई तिन्हें मरते दम तक अपणिया जानी री परवाह नीं कित्ती।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

प्रकाशितवाक्य 14:1

फेरी मैं देख्या भई सै मेमना सिय्योन पहाड़ा पर खढ़िरा, कने तिस सौगी इक लाख चौताली हज़ार लोक थे, तिन्हांरे मत्थे पर मेमने रा कने तिसरे पिता रा नौं लिखिरा था।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 21:22

मैं नगरा च कोई मन्दर नीं देख्या, काँह्भई सर्वशक्तिमान प्रभु परमेशर कने मेमना तिसरा मन्दर आ।

प्रकाशितवाक्य 21:23

कने तिस नगरा च सूरज कने चन्द्रमे रिया रोशनिया री जरूरत नीं, काँह्भई परमेशरा रे तेजा ने तिसच उजियाला हुया राँ, कने मेमना तिसरा दीपक आ,

प्रकाशितवाक्य 22:1

फेरी स्वर्गदूते मिन्जो बिल्लौर साई साफ जीवना रे पाणिये री इक नदी दस्सी, सै जे परमेशर कने मेमने रे संघासणा ते निकल़ीने,

प्रकाशितवाक्य 22:3

फेरी तित्थी कोई श्राप नीं हूणा कने परमेशर कने मेमने रा संघासण तिस नगरा च हूणा कने तिसरे दास्सां तिसरी अराधना करनी।

प्रकाशितवाक्य 4:8

इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”

प्रकाशितवाक्य 5:11

फेरी मैं देख्या, तां तिस संघासणा कने तिन्हां प्राणियां कने तिन्हां प्राचीनां रे चऊँ पासयां बौहत सारे स्वर्गदूतां री अवाज़ सुणी, तिन्हांरी गिणती जे लखां कने करोड़ां च थी।

प्रकाशितवाक्य 5:12

तिन्हें ऊच्चिया अवाज़ा च गाया, “बध कित्तिरा मेमना इ सामर्थ, धन, ज्ञान, शक्ति, आदर, महिमा कने स्तुति रे लायक आ।”

प्रकाशितवाक्य 5:13

फेरी मैं स्वर्गा च कने धरतिया पर कने धरतिया रे थल्ले कने समुद्रा रियां सब बणाई रियां चिज़ां जो, कने सब्बीं किजि जो सै जे तिस चा, ये गान्दे हुये सुणया, “सै जे संघासणा पर बैठिरा, तिसरा कने मेमने री स्तुति, आदर, महिमा कने राज युगां-युगां तक रौ!”

प्रकाशितवाक्य 5:14

फेरी चऊँ जिऊंदे प्राणियें आमीन बोल्या, कने प्राचीनें धरतिया पर मुँआं रे भार पैईने अराधना कित्ती।

प्रकाशितवाक्य 6:16

सै पहाड़ कने टरयां ने बोलणे लगे, “अहांरे ऊपर पैई जावा; कने अहांजो तिसरिया नज़राँ ते सै जे संघासणा पर बैठिरा, कने मेमने रे गुस्से ते बचाई लै।