प्रकाशितवाक्य 4:8 - बिलासपुरी नौआं नियम

⁸ इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”

प्रकाशितवाक्य 4:8 ပူးပေါင်းရင်းမြစ်များ

प्रेरितां 20:31

“इस खातर जागदे रौआ, कने याद करा भई मैं तिन्नां साल्लां तका रात-दिन रोई-रोई ने हर इक्की जो चेतावनी देणा नीं छडया।

2 कुरिन्थियों 6:18

कने हऊँ तुहांरा पिता हूणा, कने तुहें मेरे बेटे कने बेटियां हुणे। ये सर्वशक्तिमान परमेशरा रा वचन आ।”

1 थिस्सलुनीकियां 2:9

काँह्भई हे भाईयो, तुहें अहांरी कड़ी मेहणता कने कठिनाईयां जो याद रखा सै जे अहें दिन-रात इस खातर किति ताकि अहें परमेशरा रिया खुशखबरिया जो सुणान्दे हुये तुहां पर बोझ नीं बणो।

1 तिमुथियुस 4:16

इस बारे च सावधान रै भई तू कियां जीं कराँ कने क्या सखाया राँ। इन्हां गल्लां जो लगातार करदा रै काँह्भई जे येढ़ा करदा रैंहगा, तां तू अपणा कने तिज्जो सुणने औल़यां रा बी छुटकारा करगा।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

इब्रानियों 13:8

यीशु मसीह कल कने आज्ज कने युगां-युगां तकौ इक्को जेआ इ हाया यनि सै कदीं नीं बदलदा।

प्रकाशितवाक्य 1:4

हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,

प्रकाशितवाक्य 1:8

प्रभु परमेशर बोलां, “हऊँ इ अल्फा कने ओमेगा। सर्वशक्तिमान इ हाया सै जे था, सै जे हया, कने सै जे औणे औल़ा।”

प्रकाशितवाक्य 11:17

ये बोलणे लगे, “हे सर्वशक्तिमान प्रभु परमेशर, सै जे हया कने सै जे था, अहें तेरा धन्यवाद कराँ ये भई तैं अपणिया बड़िया सामर्था जो कम्मां च ल्याईने राज्ज करना शुरु कित्या।

प्रकाशितवाक्य 14:11

तिन्हां रिया पीड़ा रा धुआं युग-युग उठदा रैहणा, कने सै लोक जे तिस पशुये कने तिसरिया मूरता री पूजा करगे कने तिसरे नौआं री छाप लेंगे, तिन्हांजो रात-दिन चैन नीं मिलणा।”

प्रकाशितवाक्य 14:3

कने सै संघासणा रे सामणे कने चऊँ जिऊंदे प्राणियां कने प्राचीनां रे सामणे मन्नो इक नया गीत गाया राँ थे, कने सै जे धरतिया ते कीमत देईने छडवाईरे थे, तिन्हां इक लाख चौताली हज़ार लोकां जो छड्डिने कोई तिस गीता जो सिक्खी नीं सकदा था।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 15:7

फेरी तिन्हां चार जिऊंदे प्राणियां चते इक्की तिन्हां सात्त स्वर्गदूतां जो परमेशरा रे सै जे युगानुयुग जीवित आ गुस्से ने भरीरे सात्त सोने रे कटोरे दित्ते।

प्रकाशितवाक्य 16:14

ये सै बुरीआत्मां इयां सै जे चमत्कार करदियां हुईयां सारे संसारा रे राजयां ले जांईयां; ताकि तिन्हौं सर्वशक्तिमान परमेशरा रे तिस बड्डे दिना री लड़ाईया रे खातर कट्ठा करो।

प्रकाशितवाक्य 16:7

फेरी मैं बेदिया ते ये अवाज़ सुणी, “हाँ, हे सर्वशक्तिमान प्रभु परमेशर, तेरा न्याय ठीक कने सच्चा।”

प्रकाशितवाक्य 19:15

जाति-जाति जो मारने खातर तिसरे मुँआं ते तेज धार तलवार निकल़ां इ। तिस तिन्हांरे ऊपर लोहे री रौड़ा ने राज करना। तिस सर्वशक्तिमान परमेशरा रे भयानक गुस्से री जलजलाहटा री मदिरा रे कुण्डा च अंगूरां जो पीहणा।

प्रकाशितवाक्य 19:4

कने चौबी प्राचीनें कने चऊँ जिऊंदे प्राणियें मुँआ रे भार धरतिया पर पैईने परमेशर री अराधना कित्ती सै जे संघासणा पर बैठिरा था, कने बोल्या, “आमीन! हालेलूय्याह!”

प्रकाशितवाक्य 21:22

मैं नगरा च कोई मन्दर नीं देख्या, काँह्भई सर्वशक्तिमान प्रभु परमेशर कने मेमना तिसरा मन्दर आ।

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां:

प्रकाशितवाक्य 4:4

तिस संघासणा रे चऊँ पासयां चौबी संघासण थे; कने इन्हां संघासणा पर चौबी प्राचीन चिट्टे कपड़े पैहनीं ने बैठिरे थे, कने तिन्हांरे सिराँ पर सोने रे मुकट थे।

प्रकाशितवाक्य 4:6

कने तिस संघासणा रे सामणे साफ कच्चा साई समुद्र था, संघासणा रे बिच्च कने संघासणा रे चऊँ पासयां चार जिऊंदा प्राणी थे, तिन्हांरे अग्गे-पिच्छे आक्खीं इ आक्खीं थिआं।

प्रकाशितवाक्य 4:9

ताहली जे सै जिऊंदा प्राणी तिसरी सै जे संघासणा पर बैठिरा, कने युगां-युगां तकौ जिऊंदा, महिमा कने आदर कने धन्यवाद कराँ ये।

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।

प्रकाशितवाक्य 6:1

फेरी मैं देख्या ताहली जे मेमना तिन्हां सत्तां सीलां चते इक्की जो तोड़ां, कने तिन्हां चऊँ जिऊंदे प्राणियां चते इक्की री गर्जणे साई अवाज़ा च ये बोलदे सुणया, “औ।”

प्रकाशितवाक्य 6:6

फेरी मैं तिन्हां जिऊंदे चऊँ प्राणियां रे बिच्चा ते इक अवाज़ ये बोलदे सुणी, “इक दिनारा री इक किलो कणक, कने दिनारा रा तिन्न किलो जौ, पर तेल कने दाखरसा रा नुक्शान नीं करना।”

प्रकाशितवाक्य 7:11

कने सारे स्वर्गदूत, तिस संघासणा, कने प्राचीनां कने चऊँ जिऊंदेयां प्राणियां रे चऊँ पसयां खढ़िरे थे, सै सारे संघासणा रे सामणे धरतिया पर अपणे मुँआं रे भार पैईगे कने ये बोलदे हुये परमेशरा री अराधना कित्ती,

प्रकाशितवाक्य 7:15

इस वजह ते “ये परमेशरा रे संघासणा रे सामणे, कने तिसरे मन्दरा च दिन-रात तिसरी सेवा कराँ ये; कने सै जे संघासणा पर बैठिरा, तिस तिन्हां परा अपणे तम्बू ताणने।