प्रकाशितवाक्य 4:5 - बिलासपुरी नौआं नियम

⁵ तिस संघासणा बिच्चा ते बिजलियां री लोय कने बद्दल़ां री गड़गड़ाट हुआं थी कने संघासणा रे सामणे अग्गी रे सात्त दिऊये बल़या राँ थे, सै परमेशरा रियां सात्त आत्मां इयां।

प्रकाशितवाक्य 4:5 ပူးပေါင်းရင်းမြစ်များ

मत्ती 25:1

फेरी यीशुये अपणयां चेलयां ने बोल्या, ताहली जे माहणुये रे पुत्रा यनि मांह वापस औणा ताहली स्वर्गा रा राज तिन्हां दस कन्यां साई हूणा सै जे मशालां लेईने लाड़े ने मिलणे जो आईयां।

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

प्रेरितां 2:3

कने तिन्हौं अग्गी साई जीभां फटदियां नज़र आईयां कने तिन्हां चते हर इक्की पर आईने रुकीगियां।

प्रकाशितवाक्य 1:4

हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,

प्रकाशितवाक्य 10:3

सै जोरा रिया अवाज़ा च रड़ाया, तियां जे भई शेर गर्जया दा हो; ताहली जे सै रड़ाया, तां गर्जणे रियां सात्त आवाज़ां सुणाई दित्तियां।

प्रकाशितवाक्य 11:19

फेरी परमेशरा रा सै मन्दर जे स्वर्गा चा, सै खोल्या गया, कने तिसरे मन्दरा च तिसरिया वाचा रा सन्दूक दुस्या; कने तित्थी बिजल़ियां, अवाज़, गर्जन, हिलण हुये कने बड्डे-बड्डे आणी रे गोल़े पै।

प्रकाशितवाक्य 3:1

तिने बी मिन्जो बोल्या, “सरदीस नगरा रिया कलीसिया रे दूता जो ये सन्देश लिख: मेरले परमेशरा रियां सात्त आत्मां कने सात्त तारे, हऊँ तुहांजो ये बोलां भई हऊँ तेरयां कम्मां जो जाणाँ, भई तू जिऊंदेयां साई त दिखां, पर असल च तू मूईरा।

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।

प्रकाशितवाक्य 8:5

फेरी स्वर्गदूते धूपदान लईने तिसच बेदिया री आग्ग भरी कने धरतिया पर सट्टीती; कने बद्दल़ां री गड़गड़ाहट, कने अवाज़ कने बिजलियां रा चमकणा कने हिल्लण हुणे लगे।