प्रकाशितवाक्य 3:8 - बिलासपुरी नौआं नियम

⁸ हऊँ तेरे कम्मां जो जाणाँ; देख, मैं तेरे सामणे इक दरवाजा खोल्हीरा, तिस्सो जे कोई बन्द नीं करी सकदा। हऊँ जाणाँ भई तेरी सामर्थ थोड़ी, फेरी बी तैं मेरे वचनां रा पालन कित्तिरा कने मेरे नौआं रा इन्कार नीं कित्या।

प्रकाशितवाक्य 3:8 ပူးပေါင်းရင်းမြစ်များ

लूका 12:9

पर जे कोई माहणु इसा धरतिया पर माहणुआं रे सामणे मिन्जो मनणे ते नां करो, तां माह बी तिस माहणुये जो परमेशरा रे स्वर्गदूतां रे सामणे मनणे ते नां करी देणी।

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

यूहन्ना 17:6

“तैं तिन्हां लोकां जो जे संसारा चते चुणीने मिन्जो दित्या, तिन्हांजो मैं तेरे बारे च दस्या। सै सारे तेरे थे पर तैं सै लोक मिन्जो देईते, कने तिन्हें तेरे उपदेशा रा पालन कित्या।

प्रेरितां 14:27

तित्थी पुज्जी ने तिन्हें कलीसिया रे लोकां जो कट्ठा कित्या कने दस्या भई परमेशरे तिन्हां सौगी हुईने कितणे बड्डे-बड्डे काम्म कित्ते, कने परमेशरे अन्यजाति लोकां जो कियां यीशु मसीह पर विश्वास करने रे लायक बणाया।

1 कुरिन्थियों 16:9

काँह्भई येत्थी प्रभावशाली कम्मा रे खातर मिन्जो सही मौका मिलीरा, पर मेरा बिरोध करने औल़े बौहत लोक ये।

2 कुरिन्थियों 2:12

ताहली जे हऊँ त्रोआस नगरा च मसीह रिया खुशखबरिया रा प्रचार करने आया, तां तित्थी प्रभुये मिन्जो प्रचार करने रा मौका दित्या था।

फिलिप्पियां 4:13

सै जे मिन्जो सामर्थ देआं, तिसरे जरिये हऊँ सब किछ करी सक्कां।

कुलुस्सियां 4:3

कने इस सौगी अहांरे खातर बी प्राथना करा भई परमेशर अहांरे खातर वचन सुणने रा येढ़ा अवसर देई दो, भई अहें मसीह रे तिस भेदा रा बखान करी सक्को तिसरिया वजह ने जे हऊँ कैदा चा,

1 तिमुथियुस 5:8

पर जे कोई अपणयां रिस्तेदाराँ रा खास करीने अपणे परिवारा रा ख्याल नीं रखो, तां सै विश्वासा ते मुकरी गरा कने अविश्वासिये ते बी बुरा बणी गरा।

2 तिमुथियुस 4:7

मैं मसीह रे खातर कड़ी मेहणत कित्तिरी तियां जे भई मैं ठीक ढंगा ने कुश्ती लड़ीरी कने हऊँ सै काम्म पूरा करी चुक्कीरा सै जे यीशु मसीह मिन्जो करने खातर दित्या कने हऊँ आखिर तक बफादार रैया।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।

प्रकाशितवाक्य 2:2

हऊँ तेरे काम्म, कने तेरी मेहणत, कने तेरे धीरजा जो जाणाँ। कने ये बी भई तू बुरयां लोकां जो सैहण नीं करी सकदा, कने सै जे अप्पूँजो प्रेरित बोलां ये, पर हये नींये तिन्हांजो तैं परखीने झूट्ठा पाया।

प्रकाशितवाक्य 22:7

यीशुये बोल्या, “कने देख, हऊँ जल्दी औणे औल़ा! आशीषित सै आ, सै जे इसा कताबा रियां भविष्यवाणिया रियां गल्लां जो मन्नां।”

प्रकाशितवाक्य 3:1

तिने बी मिन्जो बोल्या, “सरदीस नगरा रिया कलीसिया रे दूता जो ये सन्देश लिख: मेरले परमेशरा रियां सात्त आत्मां कने सात्त तारे, हऊँ तुहांजो ये बोलां भई हऊँ तेरयां कम्मां जो जाणाँ, भई तू जिऊंदेयां साई त दिखां, पर असल च तू मूईरा।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 3:15

हऊँ तेरे कम्मां जो जाणाँ भई तू तिस पाणिये साई आ सै जे नांत ठण्डा कने नांत गर्म आ; भला हुन्दा भई तू ठण्डा या गर्म हुन्दा।

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां: