प्रकाशितवाक्य 3:14 - बिलासपुरी नौआं नियम

¹⁴ तिने बी मिन्जो बोल्या, “लौदीकिया नगरा रिया कलीसिया रे दूता जो ये सन्देश लिख: हऊँ इ आमीन कने बफादार कने सच्चा गवाह, कने परमेशरा रिया सृष्टिया री मूल वजह इ, हऊँ ये बोलां:

प्रकाशितवाक्य 3:14 ပူးပေါင်းရင်းမြစ်များ

यूहन्ना 1:3

दुनियां री हर इक चीज़ परमेशरे तिसरे जरिये बणाई, कने येढ़ि कोई चीज नीं सै जे परमेशरे तिसते बगैर बणाई।

यूहन्ना 8:14

यीशुये तिन्हांजो जबाब दित्या, भई “जे हऊँ अपणी गवाही अप्पूँ देआं, तां बी मेरी गवाही ठीक इ, काँह्भई हऊँ जाणाँ भई हऊँ किति ते आईरा कने किति जो जां? पर तुहें लोक ये नीं जाणदे भई हऊँ किति ते आईरा कने किति जो जां।

2 कुरिन्थियों 1:20

काँह्भई परमेशरा रे जितने बी वायदे, सै सारे मसीह च पूरे हुये; इस खातर अहें मसीह रे जरिये बी सै जे “आमीन” बोलां ये, सै परमेशरा री इ महिमा खातर हुआं।

कुलुस्सियां 1:15

कोई बी परमेशरा जो देखी नीं सकदा, पर ताहली जे तिसरा पुत्र माहणु बणया तां तिने लोकां पर परमेशरा जो परगट कित्या, कने परमेशरे जो किछ बणाईरा तिसरे ऊपर तिसरा इ प्रधान अधिकार आ।

कुलुस्सियां 1:18

मसीह आ सै जे कलीसिया पर राज कराँ कने तिन्हांरा मार्गदर्शन कराँ, तियां जे माहणुये रा सिर तिसरे शरीरा पर राज कराँ, सैई शुरु आ कने मूईरयां चते भीं ते जिऊंदा हुणे औल़यां च पैहला ताकि सारियां गल्लां च सैई प्रधान बणो।

कुलुस्सियां 2:1

हऊँ चाँह भई तुहें ये जाणी लो भई हऊँ तुहांरे खातर कने तिन्हां सारयां विश्वासियां रे खातर सै जे लौदीकिया नगरा चे कने तिन्हां सब्बीं विश्वासियां खातर सै जे आमतौर पर मांहने कदीं नीं मिले, हऊँ तुहांरी मदद करने रे खातर जो किछ करी सक्कां सै सब किछ करी रां,

कुलुस्सियां 4:16

ताहली जे ये चिट्ठी तुहांरे येत्थी पढ़ी ली जाओ, तां येढ़ा करयां भई लौदीकिया री कलीसिया च बी पढ़वाया जाये, कने लौदीकिया ते मेरी सै चिट्ठी जे तुहांजो मिलो, तिसाजो तुहें बी पढ़ी लेयों।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 19:11

फेरी मैं स्वर्गा जो खुल्हीरा देख्या, कने तित्थी मेरे सामणे इक चिट्टा घोड़ा था; तिस पर इक स्वार आ, सै जे बफादार आ कने सच्चा कहलाया जां; कने सै धार्मिकता ने न्याय कने लड़ाई कराँ।

प्रकाशितवाक्य 2:1

तिने बी मिन्जो बोल्या, “इफिसुस नगरा रिया कलीसिया रे दूता जो ये सन्देश लिख: मैं सात्त तारे अपणे हत्था च लईरे, कने हऊँ सोन्ने रे सत्तां दीपदान्नां रे बिच चलां फिराँ, हऊँ ये बोलां भई :

प्रकाशितवाक्य 21:6

फेरी तिने मेरने बोल्या, “सब किछ पूरा हुईगरा। हऊँ अल्फा कने ओमेगा, शुरु कने अन्त आ। सै जे प्यासा, तिसजो मांह जीवना रे पाणिये रे सोते चते मुफ्त प्याणा।

प्रकाशितवाक्य 22:13

“हऊँ अल्फा कने ओमेगा, पैहला कने आखरी आ, आदी कने अन्त।”

प्रकाशितवाक्य 22:6

फेरी स्वर्गदूते मेरने गलाया, “ये गल्लां विश्वास रे लायक कने सच्चियां इ। कने प्रभुये सै जे भविष्यवक्तयां री आत्मां रा परमेशर आ, अपणे स्वर्गदूता जो इस खातर भेज्या भई अपणे दास्सां जो ये गल्लां दस्सो तिन्हांरा जे जल्दी पूरा हूणा जरूरी आ।”

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां: