प्रकाशितवाक्य 22:14 - बिलासपुरी नौआं नियम

¹⁴ “आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।

प्रकाशितवाक्य 22:14 ပူးပေါင်းရင်းမြစ်များ

यूहन्ना 10:7

इस पर यीशुये तिन्हांने भीं गलाया, “हऊँ तुहांजो सच्च दस्सां, भेड्डां रा दरवाजा हऊँ आ।

यूहन्ना 10:9

दरवाजा हऊँ आ; जे कोई मेरे जरिये अन्दर जां, तां परमेशरा तिस्सो छुटकारा देणा, कने अन्दर बाहर औन्दे जान्दे रैहणा कने खाणे जो रोटी पांगा।

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 4:12

तू अहांरे पूर्वज याकूब ते महान नीं हुई सकदा, तिने जे अहांजो ये खूह दित्या; कने तिने अपणे बच्चयां कने डंगरां सौगी खुद अप्पूँ बी इसरा पाणी पित्या?”

1 कुरिन्थियों 7:19

नांत खतना कराणे औल़े रा कोई महत्व हाया कने नांई बगैर खतने औल़े रा, पर परमेशरा रे हुक्मा रा पालन करना इ सब किछ आ।

1 कुरिन्थियों 8:9

पर सावधान रौआ! येढ़ा नीं हो भई तुहांरी ये अजादी किति कमजोराँ खातर पापां री वजह नीं बणी जाओ।

1 कुरिन्थियों 9:5

क्या अहौं दुज्यां प्रेरितां साई, प्रभुये रे भाईयां कने कैफा साई अप्पूँ सौगी अपणी विश्वासी पत्निया जो ले जाणे रा अधिकार निआं?

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।

1 यूहन्ना 5:3

कने परमेशरा रा प्यार येआ, भई अहें तिसरे हुक्मां रा पालन करिये, सै जे मुश्कल नींये।

प्रकाशितवाक्य 2:7

सै जे मेरी गल्ल समझणा चाँह, सै ध्यान देईने सुणो भई परमेशरा रा आत्मा कलीसियां ने क्या बोलां। सै जे जय पाओ तिस्सो मांह जिन्दगिया रे डाल़ा चते सै जे परमेशरा रे स्वर्ग लोका चा, फल़ खाणे जो देणा।”

प्रकाशितवाक्य 21:12

कने तिसरी शहरपनाह बौहत ऊच्ची थी, कने बारा फाटक, कने फाटकां पर बारा स्वर्गदूत थे। कने तिन्हां फाटकां पर इस्राएलियां रे बाराँ गोत्राँ रे नौं लिखिरे थे।

प्रकाशितवाक्य 21:27

कने तिसच कोई बी अपवित्र चीज या गन्दा काम्म करने औल़ा, झूट्ठ बोलणे औल़ा, किसी बी तरिके ने नीं औणा, पर सिर्फ सै लोक तिन्हांरे नौं जे मेमने रिया जीवना रिया कताबा च लिखिरे।

प्रकाशितवाक्य 22:2

तिस नगरा रिया सड़कां रे बिच्चो-बिच बैयां थी। नदिया रे इस पार कने तिस पार जीवना रा डाल़ था; तिन्हां डाल़ां पर बाराँ किस्मा रे फल़ लगां थे कने सै हर महीने फल़ां था; कने तिस डाल़ा रे पत्तयां ते जाति-जाति रे लोक ठीक हुआं थे।

प्रकाशितवाक्य 22:7

यीशुये बोल्या, “कने देख, हऊँ जल्दी औणे औल़ा! आशीषित सै आ, सै जे इसा कताबा रियां भविष्यवाणिया रियां गल्लां जो मन्नां।”

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।