प्रकाशितवाक्य 21:4 - बिलासपुरी नौआं नियम

⁴ कने तिस तिन्हांरियां आक्खीं ते सारे आंसु पुंजी देणे; इसते बाद मौत नीं रैहणी, कने नां दुख, नां वलाप, नां पीड़ा रैहणी; काँह्भई पुराणियां गल्लां बीती गियां।”

प्रकाशितवाक्य 21:4 ပူးပေါင်းရင်းမြစ်များ

मत्ती 24:35

इक दिन अकाश कने धरती खत्म हुई जाणे, पर मेरा बचन कदीं नीं मिटणा।

1 कुरिन्थियों 15:26

सब्बीं ते आखरी दुश्मण तिसरा जे अन्त कित्या जाणा, सै मौत इ।

1 कुरिन्थियों 7:31

कने सै जे इस संसारा रियां चीजां रा इस्तेमाल कराँ ये सै इयां करो मन्नो भई तिन्हांरा इस्तेमाल नीं करदे। काँह्भई तियां जे अहें ये जाणाँ ये भई ये संसार जल्दी नाश हुई जाणा।

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

2 कुरिन्थियों 6:17

इस खातर पवित्रशास्त्रा रे जरिये प्रभु बोलां, “तुहें अविश्वासी लोकां रे बिच्चा ते निकल़ीने बाहर औआ सै जे मेरा अनुशरण नीं करदे, तिन्हांते अप्पूँजो लग करा; हुण तुहें कदीं किछ बी नीं छूआ, सै जे अपवित्र आ, तांई मांह तुहें ग्रहण करने;

इब्रानियों 12:27

कने ये गल्ल भई, “इक बार फेरी” इसा गल्ला जो दस्सां भई बणाई हुई चीजां हिल्ली जाणियां, कने सै हटाई दित्ति जाणियां ताकि सै चीजां जे हिलाई नीं जाई सकदियां सै अटल रैहणियां।

2 पतरस 3:10

पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।

1 यूहन्ना 2:17

ये संसार कने जो किछ इस चा तिसरी जे लोक लालसां कराँ ये, सै सारा किछ बड़ा जल्दी खत्म हुई जाणा, पर सै जे परमेशरा रिया इच्छा रे मुतावक जीआं, सै अमर हुई जां।

प्रकाशितवाक्य 20:13

कने समुद्रे तिन्हां मूईरयां जो सै जे तिसच थे दईत्या; कने मौती कने अधोलोके तिन्हां मूईरयां जो सै जे तिन्हां च थे देईत्या; कने तिन्हां चते हरेक रे कम्मां रे मुतावक तिन्हांरा न्याय कित्या गया।

प्रकाशितवाक्य 20:14

मौत कने अधोलोक बी अग्गी रिया नदिया च पाई दित्ते गये। ये अग्गी री झील दुज्जी मौत इ;

प्रकाशितवाक्य 21:1

फेरी मैं इक नये अकाश कने नई धरतिया जो देख्या, काँह्भई पैहलका अकाश कने पैहलकी धरती खत्म हुई चुक्कीरे थे, कने समुद्र बी नीं रैया।

प्रकाशितवाक्य 22:3

फेरी तित्थी कोई श्राप नीं हूणा कने परमेशर कने मेमने रा संघासण तिस नगरा च हूणा कने तिसरे दास्सां तिसरी अराधना करनी।

प्रकाशितवाक्य 7:17

काँह्भई मेमना सै जे संघासणा रे बिच आ, तिन्हांरी रखवाली करगा; कने तिस तिन्हांजो जिन्दगी देणे औल़े पाणिये रे सोते ला लेई जाया करना। कने परमेशरा तिन्हांरी आक्खीं ते सारे आँसू पुंजी देणे।”