प्रकाशितवाक्य 21:3 - बिलासपुरी नौआं नियम

³ फेरी मैं किसी जो संघासणा चते ऊच्चिया अवाज़ा च ये बोलदे सुणया, “देख, परमेशरा रा वास लोकां रे बिच आ कने तिस तिन्हां सौगी वास करना, कने सै तिसरे लोक होणे; कने परमेशरा खुद तिन्हां सौगी रैहणा; कने तिस तिन्हांरे परमेशर हूणा।

प्रकाशितवाक्य 21:3 ပူးပေါင်းရင်းမြစ်များ

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

2 कुरिन्थियों 6:18

कने हऊँ तुहांरा पिता हूणा, कने तुहें मेरे बेटे कने बेटियां हुणे। ये सर्वशक्तिमान परमेशरा रा वचन आ।”

1 थिस्सलुनीकियां 3:11

हुण परमेशर अहांरा पिता कने अहांरे प्रभु यीशु मसीह ने प्राथना कराँ ये भई सै तुहांले औणे जो अहांरे खातर रस्ता त्यार करो;

इब्रानियों 11:16

पर तिन्हें इक उत्तम यनि स्वर्गीय देशा च रैहणे री इच्छा कित्ती; इस खातर परमेशर तिन्हांरा परमेशर कहलाणे ते खुश था, काँह्भई परमेशरे तिन्हां खातर इक नगर त्यार कित्तिरा।

इब्रानियों 8:10

फेरी प्रभु बोलां, भई ये वाचा मांह औणे औल़े दिनां च इस्राएली लोकां ने बन्हणी, भई मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी, कने मांह तिन्हांरा परमेशर हूणा कने सै मेरे लोक हुणे।

इब्रानियों 8:2

कने सै जे महां पवित्र जगह कने स्वर्गा रे तिस सच्चे तम्बुये च सेवा कराँ तिस्सो जे किसी माहणुये नीं पर प्रभुये खड़ा कित्तिरा।

प्रकाशितवाक्य 10:4

कने ताहली जे सत्तों गर्जणे रियां आवाज़ां खत्म हुणे पर हऊँ लिखणे इ औल़ा था, पर मिन्जो स्वर्गा ते इक अवाज़ ये गलान्दे हुये सुणी, “सै गल्लां जे गर्जणां रे सत्तें आवाज़ें बोल्ली, तिन्हां पर सील लगाई दे कने तिन्हौं मत लिख।”

प्रकाशितवाक्य 10:8

फेरी तिस अवाज़ देणे औल़े जो जे मैं स्वर्गा ते बोलदे सुणया था, सै फेरी भीं मेरने गल्लां करने लगया, “जा, सै स्वर्गदूत जे समुद्र कने धरतिया पर खढ़िरा, तिसरे हत्था ते खुल्ही री कताब लई लै।”

प्रकाशितवाक्य 12:10

फेरी मैं स्वर्गा च ऊच्चिया अवाज़ा च किसी जो ये बोलदे सुणया, “हुण अहांरे परमेशर रा छुटकारा, सामर्थ, राज कने तिसरे मसीह रा अधिकार प्रगट हुईरा; काँह्भई अहांरे साथी विश्वासियां पर दोष लगाणे औल़ा, सै जे अहांरे परमेशरा रे सामणे रात-दिन तिन्हां परा दोष लगान्दा रैआं था, थल्ले सट्टीत्या गईरा।

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।

प्रकाशितवाक्य 22:3

फेरी तित्थी कोई श्राप नीं हूणा कने परमेशर कने मेमने रा संघासण तिस नगरा च हूणा कने तिसरे दास्सां तिसरी अराधना करनी।

प्रकाशितवाक्य 7:15

इस वजह ते “ये परमेशरा रे संघासणा रे सामणे, कने तिसरे मन्दरा च दिन-रात तिसरी सेवा कराँ ये; कने सै जे संघासणा पर बैठिरा, तिस तिन्हां परा अपणे तम्बू ताणने।