प्रकाशितवाक्य 21:24 - बिलासपुरी नौआं नियम

²⁴ जाति-जाति रे लोकां तिसरिया जोतिया च चलना कने धरतिया रे राजयां अपणी-अपणी धन-दौलत इस नगरा च ल्यौणी।

प्रकाशितवाक्य 21:24 ပူးပေါင်းရင်းမြစ်များ

रोमियो 15:16

ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।

रोमियो 15:26

काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या।

प्रकाशितवाक्य 21:26

जाति-जाति रे लोकां बी अपणी धन-दौलत तिसच लेईने औणा।

प्रकाशितवाक्य 22:2

तिस नगरा रिया सड़कां रे बिच्चो-बिच बैयां थी। नदिया रे इस पार कने तिस पार जीवना रा डाल़ था; तिन्हां डाल़ां पर बाराँ किस्मा रे फल़ लगां थे कने सै हर महीने फल़ां था; कने तिस डाल़ा रे पत्तयां ते जाति-जाति रे लोक ठीक हुआं थे।