प्रकाशितवाक्य 19:12 - बिलासपुरी नौआं नियम

¹² तिसरियां आक्खीं अग्गी रियां लपटां साई, कने तिसरे सिरा पर बौहत सारे मुकुट ये। कने तिसरा इक नौं तिस पर लिख्या हुया, तिसजो जे तिसते इलावा होर कोई नीं जाणदा।

प्रकाशितवाक्य 19:12 ပူးပေါင်းရင်းမြစ်များ

मत्ती 11:27

“मेरे पिता सारा किछ मिन्जो सौंपीरा; कने हकीकत च पिता ते इलावा कोई बी पुत्रा जो नीं जाणदा; कने कोई बी पुत्रा रे इलावा पिता जो नीं जाणदा; तिसरे खातर जे पुत्रे पिता जो प्रगट करना चाहया।

मत्ती 21:5

“यरूशलेम रे लोकां ने बोल्ला, ‘देख! तेरा राजा तेरले आई कराँ; सै नम्र आ, कने गधे पर स्वार आ; हाँ गधिया रे बच्चे पर सै जे इक मजदूरा रे पशुये रा बच्चा।’ ”

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

लूका 10:22

फेरी यीशुये अपणे चेलयां ने गलाया, “मेरे पिता सारा अधिकार मिन्जो देई दित्तिरा; कने कोई नीं जाणदा भई पुत्र कुण आ, सिर्फ पिता जाणां भई पिता कुण आ ये बी कोई नीं जाणदा; सिर्फ पुत्र जाणा भई पिता कुण आ, कने माहणु पिता परमेशरा जो तांई जाणी सक्कां ये ताहली जे पुत्र तिन्हां पर पिता जो परगट करना चाये।”

यूहन्ना 17:11

हुण मांह इस संसारा च नीं रैहणा, पर सै संसारा ची रैहणे, कने पवित्र पिता, हऊँ तेरे लौ आया रां, तू अपणिया सामर्था ने तिन्हांरी हिफाजत कर, तिसते जे सै इक हुईजो तियां जे अहें इक ये।

यूहन्ना 17:12

तदुआं तक जे हऊँ तिन्हांने सौगी रैया, तेरे तिस नौआं रिया सामर्था ते सै जे तैं मिन्जो दित्तिरी, मैं तिन्हांरी हिफाजत किति, कने तिन्हेंजे अपणे खातर भटकणा हि चुणया तिन्हांजो छड्डीने तिन्हां च कोई बी नाश नीं हुआ, ताकि पवित्रशास्त्रा च जो किछ लिखिरा सै सच्च ओ।

इफिसियां 1:21

तिसा जगह सारे राजयां पर, अधिकाराँ पर, सामर्थां पर, प्रभुता, कने हरेक नौंवां रे ऊपर, सै जे न सिर्फ इस लोका च, पर औणे औल़े लोका च बी तिसरा इ नौं सब्बीं ते ऊपर मन्नया जाणा।

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।

प्रकाशितवाक्य 1:14

तिसरे सिरा रे बाल़ ऊन्ना साई सफेद कने बर्फा साई चमकीले थे, तिसरियां आक्खीं अग्गी रियां लपटां साई चमकया राँ थिआं।

प्रकाशितवाक्य 12:3

इक होर नशाण स्वर्गा च दिख्या; इक बड्डा जेआ लाल रंगा रा अजगर था, तिसरे सात्त सिर कने दस सिंग थे, कने सारयां सिराँ पर इक-इक मुकट था।

प्रकाशितवाक्य 13:1

मैं इक्की येढ़े पशुये जो समुद्रा चते निकल़दे देख्या, तिसरे दस सिंग कने सात्त सिर थे। तिसरयां सिंगां पर दस मुकट, कने तिसरे हरेक सिरा पर परमेशर री निंध्या रे नौं लिखिरे थे।

प्रकाशितवाक्य 19:16

कने तिसरे कपड़े कने लत्ता पर ये नौं लिखिरा : “राजयां रा राजा कने प्रभुआं रा प्रभु।”

प्रकाशितवाक्य 3:12

सै जे जय पाओ तिस्सो मांह अपणे परमेशरा रे मन्दरा च इक खम्भा बनाणा, तित्थी ते तिस कदीं बाहर नीं निकल़णा। कने मांह अपणे परमेशर रा नौं कने अपणे परमेशर रे नगर यनिके नये यरूशलेम रा नौं, सै जे मेरे परमेशरा रिया तरफा ते स्वर्गा ते उतरने औल़ा, कने मांह अपणा नया नौं बी तिस पर लिखणा।

प्रकाशितवाक्य 6:2

फेरी मैं तित्थी इक चिट्टे रंगा रा घोड़ा देख्या, कने तिसरे स्वारे धनुष लेईरा, कने तिस्सो इक मुकुट दित्या गया; कने सै इक विजेते साई निकल़या भई होर बी विजय पाओ।