प्रकाशितवाक्य 17:8 - बिलासपुरी नौआं नियम

⁸ सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।

प्रकाशितवाक्य 17:8 ပူးပေါင်းရင်းမြစ်များ

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

लूका 10:20

फेरी बी इन्हां गल्लां ते खुश नीं हूणां भई बुरीआत्मां तुहांरे बशा ची आ; पर इस खातर खुश हूणा भई परमेशरे तुहांरे नौं स्वर्गा च लिखी लरे।”

लूका 8:31

सै बुरीआत्मायें यीशुये ते बिनती करदी रैईयां भई “अहांजो नरका च जाणे रा हुक्म नीं दे।”

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

प्रेरितां 15:18

येढ़ा सैई प्रभु बोलां सै जे जगता रिया उत्पतिया ते इन्हां गल्लां री खबर देन्दा आया।’

इफिसियां 1:4

तियां जे तिने संसारा रिया सृष्टिया ते पैहले मसीह च चुणील्या ताकि अहें तिसरे सामणे पवित्र कने निर्दोष बणो।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।

प्रकाशितवाक्य 11:7

ताहली जे सै लोकां जो परमेशरा रे वचना रा प्रचार करीने खत्म करी बैट्ठे, तां सै पशु सै जे अथाह कुण्डा चते निकल़णा, तिन्हां पर हमला करना कने तिन्हांजो हराईने मारी देणा।

प्रकाशितवाक्य 17:11

सै पशु जे पैहले था, कने हुण निआं, सै खुद अठवां राजा; कने तिन्हां सत्तां चते इक आ, सै जे नाश हुणे औल़ा।

प्रकाशितवाक्य 17:2

तिसा सौगी जे धरतिया रे राजयां व्यभिचार कित्या; कने धरतिया रे रैहणे औल़े तिसारे व्यभिचारा रिया मदिरा ते मतवाले हुईगरे थे।”

प्रकाशितवाक्य 20:10

कने शैतान सै जे तिन्हांजो धोखे च रक्खां था आग्ग कने गन्धका रिया नदिया च पाया जाणा, तित्थी जे सै पशु कने झूट्ठा भविष्यवक्ता बी हूणा, कने सै रात-दिन युग-युग पीड़ा च तड़फदे रैहणे।

प्रकाशितवाक्य 20:12

कने मैं तिन्हां मूईरयां जो सै जे छोट्टे या बड्डे थे, परमेशरा रे सामणे खढ़िरे देख्या, कने कताबां खोल्ली गईयां; फेरी इक होर कताब खोल्ली गई, यनि जीवना री किताब। मूईरयां रा न्याय तिन्हां कम्मां रे मुतावक हुया तियां जे तिन्हां कताबां च लिख्या हुया था।

प्रकाशितवाक्य 20:15

कने तिस किसी रा नौं जे जीवना रिया कताबा च लिखिरा नीं मिलया, सै अग्गी रिया नदिया च पाया गया।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 3:5

सै जे जय पांगा तिस्सो इयां इ सफेद कपड़े पहनाये जाणे, मांह तिसरा नौं जीवना रिया कताबा चते कदीं नीं कटणा; पर तिसरा नौं अपणे पिता कने तिसरे स्वर्गदूतां रे सामणे मन्नी लेणा।