प्रकाशितवाक्य 17:3 - बिलासपुरी नौआं नियम

³ फेरी परमेशरा रिया आत्मे मिन्जो अपणे बशा च करील्या कने स्वर्गदूत मिन्जो सुनसान जगह च लेईग्या, तित्थी मैं सात्त सिर कने दस सिंगा औल़े इक लाल रंगा रे पशुये जो देख्या, सै जे निंध्या रे नौआं ते भरीरा था कने इस जानवरा पर इक औरत बैठीरी थी।

प्रकाशितवाक्य 17:3 ပူးပေါင်းရင်းမြစ်များ

मत्ती 27:28

तिन्हे तिसरे कपड़े खोली ते कने चमकदार लाल रंगा रे कपड़े पैहनाये,

प्रेरितां 8:39

तां जे सै पाणिये चते निकल़ीने ऊपर आये, तां प्रभुये रा आत्मा फिलिप्पुसा जो चक्कीने लईग्या, कने खोजे तिस्सो फेरी नीं देख्या कने खुशी मनांदा अपणे रस्ते च चली गया।

2 थिस्सलुनीकियां 2:4

तिस परमेशरा रा बरोध करना, कने हर इक्की जो तिसरी जे लोक पूजा कराँ ये कने देबता मन्नां ये तिन्हांते तिस अप्पूँजो बड़ा खास बनाणा, येत्थी तक भई तिस परमेशरा रे मन्दरा च बैठणा कने सारयां लोकां जो ये प्रचार करना भई सै खुद परमेशर आ।

प्रकाशितवाक्य 1:10

हफ्ते रे पैहले दिन मिन्जो परमेशरा रे आत्मे अपणे वशा च करील्या; कने अपणे पिछे ते तुरहिया साई ऊच्चिया अवाज़ा च ये बोलदे हुये सुणया,

प्रकाशितवाक्य 12:14

पर तिसा औरता जो बड़े ऊकाबा रे दो फंग दित्ते गये, भई सै सर्पा रे सामणे ते उडीने सुनसान जगह च तिसा जगह पुज्जी जाओ, तित्थी जे सै साडे तिन्न साल्लां तक पाल़ी जाओ।

प्रकाशितवाक्य 12:3

इक होर नशाण स्वर्गा च दिख्या; इक बड्डा जेआ लाल रंगा रा अजगर था, तिसरे सात्त सिर कने दस सिंग थे, कने सारयां सिराँ पर इक-इक मुकट था।

प्रकाशितवाक्य 12:6

कने सै औरत तिस सुनसान जगह पर नट्ठीने चलीगी तित्थी जे परमेशरा रिया तरफा ते तिसा खातर इक जगह त्यार कित्ती गई थी, ताकि तित्थी सै बारा सौ साठ दिनां तका पाल़ी जाओ।

प्रकाशितवाक्य 17:18

सै औरत, तिसौ जे तैं देखीरा, सै बड्डा नगर आ सै जे इसा धरतिया रे राजयां पर राज कराँ।

प्रकाशितवाक्य 17:4

इसे औरते बैंगणी कने लाल रंगा रे कपड़े पैहनीरे थे, कने सोने, कने बड़ी कीमती मणियां कने मोतियां ने सजीरी थी। तिसारे हत्था च इक सोने रा कटोरा था सै जे घिनौनी चीजां ने कने तिसारे व्यभिचारा रिया गन्दी चिज़ां ने भरीरा था।

प्रकाशितवाक्य 18:12

यनि सोना, चाँदी, रत्न, मोती, कने मलमल, कने बैंगणी, रेशमी, लाल रंगा रे कपड़े, कने हर किस्मा री खुशबुआ औल़ी लकड़ी, कने हाथी दंदा रियां बणाई रियां चिज़ां, कीमती लकड़ी, पीत्तल, लोहा कने संगमरमरा रियां सब्बीं किस्मा रियां चिज़ां,

प्रकाशितवाक्य 18:16

‘लाणत! लाणत! ये बड्डा नगर सै जे मलमल, बैंगणी कने लाल रंगां रे कपड़े पैहनीरा था, कने सोने कने रत्नां कने मोतियां ने सजीरा था;

प्रकाशितवाक्य 21:10

कने परमेशरा रे आत्मे मिन्जो अपणे वशा च करील्या कने स्वर्गदूत मिन्जो इक बड्डे कने ऊच्चे पहाड़ा परा लईग्या, कने मिन्जो पवित्र नगर यरूशलेम जो स्वर्गा ते परमेशरा रे सामणे ते उतरदे दिखाया।

प्रकाशितवाक्य 4:2

इकदम मिन्जो परमेशरा रे आत्मे अपणे वशा च करील्या; कने तित्थी मैं स्वर्गा च इक संघासण देख्या, तिस पर जे कोई बैठिरा,