प्रकाशितवाक्य 16:14 - बिलासपुरी नौआं नियम

¹⁴ ये सै बुरीआत्मां इयां सै जे चमत्कार करदियां हुईयां सारे संसारा रे राजयां ले जांईयां; ताकि तिन्हौं सर्वशक्तिमान परमेशरा रे तिस बड्डे दिना री लड़ाईया रे खातर कट्ठा करो।

प्रकाशितवाक्य 16:14 ပူးပေါင်းရင်းမြစ်များ

मत्ती 24:14

स्वर्गा रे राज्जा री ये खुशखबरी सारी जातियां रे लोकां जो प्रचार कित्ती जाणी ताकि सारे लोकां जो विश्वास करने रा मौका मिलो, फेरी तांई अन्त औणा।

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मरकुस 13:22

काँह्भई झूट्ठे मसीह झूट्ठे भविष्यवक्ता औणे, कने नशाण कने हैरानिया रे काम्म दस्से जाणे भई जे हुई सक्को, तां परमेशरा रे चुणी रयां जो बी भरमाई दो।

लूका 2:1

जिस बगत रोम देशा रा बादशाह औगस्तुस था, तिस बगत तिने ये हुक्म दित्या भई तिसरे राज्जा च औणे औल़े सारे लोकां री गिणती करीने तिन्हारे नौं लिखे जायें।

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

रोमियो 1:8

सब्बीं ते पैहले हऊँ तुहां सबनीं रे खातर यीशु मसीह रे जरिये अपणे परमेशरा रा धन्यवाद कराँ, काँह्भई मसीह पर तुहांरे विश्वासा री चर्चा सारे संसारा रे लोकां च हुया राईं।

2 थिस्सलुनीकियां 2:9

तिस दुष्ट माहणुये रा औणा शैतान्ना रे कम्मां रे मुतावक सब तरिके री झूट्ठी सामर्थ, कने नशाणां, कने अदभुत कम्मां सौगी हूणा,

1 तिमुथियुस 4:1

पवित्र आत्मा साफ-साफ बोलां भई आखिरी दिनां च किछ लोकां मसीह रिया शिक्षा पर विश्वास करना छड्डिने दुष्टात्मां री शिक्षा पर विश्वास करना, तिन्हां भटकाणे औलियां बुरीआत्मां जो अपनाणा।

याकूब 3:15

येढ़े ज्ञाना रा स्रोत परमेशर नींआ, ये दुनियावी आ, शारीरिक कने शैतान्नी आ।

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

प्रकाशितवाक्य 13:3

मैं तिसरे सिराँ चते इक्की सिरा पर बड्डा जख्म देख्या, येढ़ा लगया सै मरने औल़ा; फेरी तिसरा जानलेवा जख्म ठीक हुईग्या, कने सारी धरतिया रे लोक हैरान हुईने इस पशुये जो मनणे लगीगे।

प्रकाशितवाक्य 16:16

फेरी दुष्टात्में राजयां जो, इब्रानी भाषा च बोल्ली जाणे औल़ी जगह हर-मगिदोन पर कट्ठा कित्या।

प्रकाशितवाक्य 16:7

फेरी मैं बेदिया ते ये अवाज़ सुणी, “हाँ, हे सर्वशक्तिमान प्रभु परमेशर, तेरा न्याय ठीक कने सच्चा।”

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 20:8

कने तिस तिन्हां जातियां रे लोकां जो सै जे सारिया धरतिया पर हुणे, यनि गोग कने मगोग तिन्हांरी गिणती जे समुद्रा रे रेता रे बराबर हूणी, भरमाई ने लड़ाईया खातर कट्ठा करने जो निकलणा।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 6:17

काँह्भई तिन्हांरे गुस्से रा भयानक दिन आई चुक्कीरा, हुण कुण जिऊंदा रैई सकगा?”