प्रकाशितवाक्य 16:1 - बिलासपुरी नौआं नियम

¹ फेरी मैं मन्दरा च किसी जो ऊच्चिया अवाज़ा च तिन्हां सत्तां स्वर्गदूतां ते ये बोलदे सुणया, “जाओ परमेशरा रे गुस्से रे सत्तों इ कटोरयां जो धरतिया पर लटी दवा।”

प्रकाशितवाक्य 16:1 ပူးပေါင်းရင်းမြစ်များ

प्रकाशितवाक्य 11:19

फेरी परमेशरा रा सै मन्दर जे स्वर्गा चा, सै खोल्या गया, कने तिसरे मन्दरा च तिसरिया वाचा रा सन्दूक दुस्या; कने तित्थी बिजल़ियां, अवाज़, गर्जन, हिलण हुये कने बड्डे-बड्डे आणी रे गोल़े पै।

प्रकाशितवाक्य 14:15

फेरी इक होर स्वर्गदूत स्वर्गा रे मन्दरा चते निकल़ीने तिसने सै जे बद्दल़ां पर बैठिरा था, जोरा रिया अवाज़ा च हाक्क पाईने गलाया, “अपणी डाटी लईने फसल लुणि लै, काँह्भई फसला लुणने रा वगत आई पुज्जीरा इस खातर धरतिया री खेती पक्की चुक्कीरी।”

प्रकाशितवाक्य 14:18

फेरी इक होर स्वर्गदूत बेदिया ते बाहर आया, तिस्सो जे अग्गी पर अधिकार था; तिने तिस स्वर्गदूता ले जे तेज़ डाटी थी, तिसजो ऊच्चिया अवाज़ा च गलाया, “अपणी तेज डाटिया जो लाईने धरतिया रे अंगूरां रिया बेल्ला रे गुच्छे कट्टी लै, काँह्भई अँगूर पक्की चुक्कीरे।”

प्रकाशितवाक्य 15:1

फेरी मैं स्वर्गा च इक होर बड्डा कने अदभुत नशाण देख्या, यनि सात्त स्वर्गदूत तिन्हांले जे सत्तों आखरी मुशीवतां थिआं, काँह्भई तिन्हांरे हुई जाणे पर परमेशरा रे गुस्से रा अन्त आ।

प्रकाशितवाक्य 16:17

फेरी सतवें स्वर्गदूते जाईने अपणा कटोरा हवा च लटीत्या, कने मन्दरा रे संघासणा ते ये जोरा री अवाज़ आई, “सब किछ पूरा हुईग्या!”