प्रकाशितवाक्य 15:4 - बिलासपुरी नौआं नियम

⁴ “हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

प्रकाशितवाक्य 15:4 ပူးပေါင်းရင်းမြစ်များ

रोमियो 15:9

ताकि अन्यजातियां रे लोक बी परमेशरा जो तिसरिया दया खातर महिमा देई सक्को; तियां जे पवित्रशास्त्रा च लिखिरा, “इस खातर हऊँ अन्यजातियां रे लोकां बिच तेरा धन्यवाद करगा, कने तेरे नौआं रे भजन गांगा।”

1 पतरस 1:16

काँह्भई पवित्रशास्त्रा च ये लिख्‍या गईरा, “पवित्र बणा, काँह्भई हऊँ पवित्र आ।”

प्रकाशितवाक्य 11:15

ताहली जे सतवें स्वर्गदूते अपणी तुरही बजाई, तां स्वर्गा च बड़ियां आवाज़ां हुणे लगियां; “संसारा रा राज अहांरे प्रभुये रा कने तिसरे मसीह रा बणीग्या कने तिस युग-युग राज करना।”

प्रकाशितवाक्य 14:7

कने तिने ऊच्चिया अवाज़ा च गलाया, “परमेशरा जो आदर देआ, कने तिसरी महिमा करा, काँह्भई तिसरे न्याय करने रा बगत आईगरा; तिसरी अराधना करा, तिने जे स्वर्ग कने धरती कने समुद्र कने पाणिये रे सोते बणाये।”

प्रकाशितवाक्य 16:5

फेरी मैं पाणिये रे अधिकारी स्वर्गदूता जो परमेशरा ते ये बोलदे हुये सुणया, “हे पवित्र, सै जे हया कने सै जे था, तू न्यायी आ कने तैं ये न्याय कित्तिरा।

प्रकाशितवाक्य 16:7

फेरी मैं बेदिया ते ये अवाज़ सुणी, “हाँ, हे सर्वशक्तिमान प्रभु परमेशर, तेरा न्याय ठीक कने सच्चा।”

प्रकाशितवाक्य 19:2

काँह्भई तिसरे न्याय सच्चे कने ठीक ये, इस खातर भई तिने तिसा बड्डिया वेश्या रा न्याय कित्या, सै जे सारिया धरतिया जो अपणे व्यभिचारा ने गुमराह कराँ थी, कने तिसाते अपणे दास्सां रे खून्ना रा बदला लित्या।”

प्रकाशितवाक्य 19:8

पैहनणे रे खातर तिस्सो अच्छिया किस्मा री साफ कने चमकदी मलमल दित्ति गई, काँह्भई अच्छिया किस्मा री मलमल रा मतलब परमेशरा रे लोकां रे धर्मा रे काम्म ये।”

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां:

प्रकाशितवाक्य 4:8

इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”

प्रकाशितवाक्य 6:10

तिन्हें ऊच्चिया अवाज़ा च हाक पाईने बोल्या, “हे सब्बीं ते महान प्रभु, पवित्र कने सच्चे; तू कदुआं तक इन्साफ नीं करगा? कने धरतिया च रैहणे औल़े लोकां ते अहां रिया मौती रा बदला कदुआं तका नीं लेंगा?”