प्रकाशितवाक्य 14:7 - बिलासपुरी नौआं नियम

⁷ कने तिने ऊच्चिया अवाज़ा च गलाया, “परमेशरा जो आदर देआ, कने तिसरी महिमा करा, काँह्भई तिसरे न्याय करने रा बगत आईगरा; तिसरी अराधना करा, तिने जे स्वर्ग कने धरती कने समुद्र कने पाणिये रे सोते बणाये।”

प्रकाशितवाक्य 14:7 ပူးပေါင်းရင်းမြစ်များ

मत्ती 25:13

इस खातर त्यार रौआ, काँह्भई तुहें न माहणुये रे पुत्रा जो यनि मेरे वापस औणे रे दिना जो जाणाँ ये, नां तिस वगता जो जाणाँ ये।

लूका 17:18

क्या परमेशरा जो धन्यवाद देणे खातर सिर्फ तूई परदेशी मुड़ीने आया?

प्रेरितां 14:15

“हे लोको, तुहें क्या करया रायें? अहें बी तां तुहां साई दुख-सुख भोगणे औल़े माहणु ये कने तुहांजो खुशखबरी सुणाया रायें भई तुहें इन्हां बेकार चिज़ां ते लग्ग हुईने जिऊंदा परमेशरा ले औआ, तिने अकाश कने धरती कने समुद्र कने जो किछ तिसच आ बणाया।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

प्रकाशितवाक्य 11:13

फेरी तिस इ वगत इक बड्डा हिलण हुआ, कने नगरा रा दसवां हिस्सा टिरीग्या; तिस हिलणा ते सात्त हज़ार माहणु मरीगे, कने बाकी बचीरे लोक डरीगे कने स्वर्गा रे परमेशरा री महिमा कित्ती।

प्रकाशितवाक्य 11:18

होरीं जातियें गुस्सा कित्या कने तेरा कोप तिन्हां पर पैया, कने सै बगत आई पुज्जीरा, भई मूईरयां रा न्याय कित्या जाओ, कने तेरे दास भविष्यवक्तयां कने परमेशरा रे लोकां जो कने तिन्हां छोट्टे-बड्डयां जो सै जे तेरे नौआं ते डराँ ये, ईनाम दित्या जाओ, कने धरतिया रे बगाड़ने औल़े नाश कित्ते जाओ।”

प्रकाशितवाक्य 15:4

“हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

प्रकाशितवाक्य 16:9

माहणु भयंकर गर्मिया ते झुलसिगे, कने तिन्हें परमेशर रे नौआं री निंध्या कित्ती, तिसजो जे इन्हां विपत्तियां पर अधिकार आ; कने तिन्हें मन फिराणे कने तिसरी महिमा करने ते इन्कार कित्या।

प्रकाशितवाक्य 18:10

तिसारिया पीड़ा रे डरा रे मारे तिन्हां बड़िया दूरा ते खड़े रैईने बोलणा, ‘अरे बड्डे नगर, बेबीलोन! अरे ताकतवर नगर, लाणत, लाणत! इक्की घण्टे च तिज्जो सजा मिलीगी।’

प्रकाशितवाक्य 18:17

इक्की घण्टे ची तिसारी धन-दौलत गायब हुईगी।’ कने जहाजा रा हरेक कप्तान कने जहाजा च सै जे यात्रा कराँ ये, मल्लाह, कने सै जे समुद्री ब्यापार कराँ ये, सब दूर खड़े हुये,

प्रकाशितवाक्य 18:19

कने अपणे-अपणे सिरा पर धूल पान्गे, कने ऊच्चिया अवाज़ा च रोन्दे हुये कने बिलखदे हुये रड़ाई-रड़ाईने बोलणा, ‘लाणत! लाणत! ये बड्डा नगर तिसारिया धन-दौलता रिया वजह ने जे समुद्रा रे सारे जहाजा रे मालक अमीर हुईगरे थे; इक्की घण्टे च तिसरा सब किछ बर्बाद हुईग्या।’

प्रकाशितवाक्य 19:5

कने संघासणा चते इक अवाज़ निकली, “हे अहांरे परमेशरा ते सारे डरने औल़े सेबको, क्या छोट्टे, क्या बड्डे; तुहें सारे तिसरी स्तुति करा।”

प्रकाशितवाक्य 4:11

“हे अहांरे प्रभु कने परमेशर, तूई महिमा, आदर कने सामर्था रे लायक आ; काँह्भई तैंई सब चिज़ां बणाई रियां कने तेरिया इ इच्छा ते इन्हांरी रचना हुई कने सै मौजूद इ।”

प्रकाशितवाक्य 4:9

ताहली जे सै जिऊंदा प्राणी तिसरी सै जे संघासणा पर बैठिरा, कने युगां-युगां तकौ जिऊंदा, महिमा कने आदर कने धन्यवाद कराँ ये।

प्रकाशितवाक्य 8:10

तिज्जे स्वर्गदूते अपणी तुरही बजाई, कने इक बड्डा तारा सै जे मशाला साई जल़या राँ था स्वर्गा ते टुट्टया, तिसते जे नदियां रे इक तिहाई हिस्से पर कने पाणिये रे झरनयां पर पईग्या।