प्रकाशितवाक्य 14:4 - बिलासपुरी नौआं नियम

⁴ ये सै लोक ये, सै जे कदीं औरतां सौगी अशुद्ध नीं हुये, पर कुवारे रै; ये सैई हाये, भई तित्थी जे कित्ती मेमना जां, सै तिसरे पिच्छे हुई लेआं ये; येत परमेशर कने मेमने रे खातर पैहले फल़ा साई माहणुआं चते खरीदी लरे।

प्रकाशितवाक्य 14:4 ပူးပေါင်းရင်းမြစ်များ

मत्ती 19:12

किछ येढ़े सै जे अपणिया मौआ रे पेट्टा तेई नपुंसक जम्मीरे; किछ येढ़े सै जे लोकें नपुंसक बणाईतरे; पर किछ येढ़े माहणु बी ये, सै जे ब्याह नीं करने रा फैसला कराँ ये भई परमेशर ताहली जे तिन्हां पर राज कराँ, तां सै तिसरी सेवा अव्वल दर्जे ने करी पाओ, सै जे इस उपदेशा जो ग्रहण करी सक्कां, सै ग्रहण करी लो।”

मत्ती 25:1

फेरी यीशुये अपणयां चेलयां ने बोल्या, ताहली जे माहणुये रे पुत्रा यनि मांह वापस औणा ताहली स्वर्गा रा राज तिन्हां दस कन्यां साई हूणा सै जे मशालां लेईने लाड़े ने मिलणे जो आईयां।

मत्ती 8:19

कने तियां जे सै जाणे रे खातर त्यार हुईराँ थे तां इक यहूदी शास्त्री तिसले आया कने गलाया, “हे गुरू, मांह तुहांरा चेला बणने खातर तुहांरा अनुशरण करना।”

यूहन्ना 10:27

मेरी भेड्डां मेरी अवाज़ ध्याना ने सुणां इयां; हऊँ तिन्हौं जाणाँ, सै मेरे पिच्छे-पिच्छे चलां इयां;

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 13:37

पतरसे तिसते पुच्छया, “प्रभु जी, हुण हऊँ कांह् नीं आई सकदा? हऊँ तेरे खातर मरने जो त्यार आ।”

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

1 कुरिन्थियों 16:15

साथी विश्वासियो तुहें स्तिफनुस रे घराने जो जाणाँ ये, भई सै अखाया प्रदेशा रे पैहले विश्वासी ये, कने पवित्र लोकां री सेवा रे खातर त्‍यार रैं।

1 कुरिन्थियों 6:20

काँह्भई तुहांजो दाम देईने खरीदया गईरा, इस खातर अपणे शरीरा रे जरिये परमेशरा री महिमा करा।

1 कुरिन्थियों 7:28

पर जे तू ब्याह बी करो, तां ये पाप निआं; कने जे क्वारी ब्याह करो, तां कोई पाप निआं। पर सै लोक जे ब्याह कराँ ये तिन्हां इस जीवना च बौहत समस्यां रा सामना करना, पर हऊँ तुहांजो इन्हांते बचाणा चांह।

2 कुरिन्थियों 11:2

काँह्भई हऊँ तुहांरे बारे च चिन्तित आ तियां जे परमेशर चिन्ता कराँ। इस खातर मैं तुहांजो अपणे इकलौते पितिये रे रुपा च मसीह जो देणे रा वायदा कित्या था, हऊँ तुहांजो तिसरी पवित्र दुल्हना रे रुपा च देखणा चाँह।

इफिसियां 1:14

ये पवित्र आत्मा इक ब्यान्ने साई आ सै जे जमाणत देआं भई परमेशर अपणे लोकां रे खातर वायदा कित्ती रियां चीजां जो अहौं देन्गा। ये तिस वगत हूणा ताहली जे परमेशर अपणयां लोकां यनि अहौं पूरे तरिके ने छुटकारा देन्गा। इस रिया बजह ने लोक परमेशरा रिया महिमा री स्तुति करो।

इफिसियां 5:27

इस तरिके ने सै कलीसिया जो इक येढ़ि चमचमाती दुलहना रे रुपा च अपणे खातर प्रस्तुत करी सक्कां सै जे निष्कलंक हो, झुरियां ते बगैर हो, या तिसच येढ़ि होर कोई कमी नीं हो, बल्कि सै पवित्र कने निर्दोष हो।

1 तिमुथियुस 4:3

येढ़े लोक ये सखायें भई ब्याह करना कने किछ किस्मा रा भोजन खाणा गल़त आ। पर परमेशरे ये खाणा विश्वासी लोकां खातर बणाईरा सै जे सच्चिया शिक्षा जो जाणाँ ये भई परमेशरा रा धन्यवाद करीने खाया जाओ।

इब्रानियों 12:23

कने तुहें परमेशरा रे पैहलौठे बच्चे रिया कलीसिया च आईगरे, तिन्हारे नौं जे स्वर्गा च लिखे गईरे। ये धर्मी लोकां री आत्मा इ सै जे हल्तिये स्वर्गा चे, कने तिन्हांजो सिद्ध कित्या गया कने तुहें खुद परमेशरा ले आईगरे सै जे सारियां गल्लां रा न्याय करने औल़ा।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 21:22

मैं नगरा च कोई मन्दर नीं देख्या, काँह्भई सर्वशक्तिमान प्रभु परमेशर कने मेमना तिसरा मन्दर आ।

प्रकाशितवाक्य 21:23

कने तिस नगरा च सूरज कने चन्द्रमे रिया रोशनिया री जरूरत नीं, काँह्भई परमेशरा रे तेजा ने तिसच उजियाला हुया राँ, कने मेमना तिसरा दीपक आ,

प्रकाशितवाक्य 3:4

पर हाँ, सरदीस नगरा च तेरे ले किछ येढ़े लोक बी ये, तिन्हेंजे अपणे कपड़े गन्दे नीं कित्तिरे, तिन्हां सफेद कपड़े पैहनीने मेरे सौगी चलना, काँह्भई सै इस लायक ये।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,