प्रकाशितवाक्य 14:1 - बिलासपुरी नौआं नियम

¹ फेरी मैं देख्या भई सै मेमना सिय्योन पहाड़ा पर खढ़िरा, कने तिस सौगी इक लाख चौताली हज़ार लोक थे, तिन्हांरे मत्थे पर मेमने रा कने तिसरे पिता रा नौं लिखिरा था।

प्रकाशितवाक्य 14:1 ပူးပေါင်းရင်းမြစ်များ

लूका 12:8

“हऊँ तुहांजो इसा गल्ला रा भरोसा देयां भई सै जे कोई मिन्जो माहणुआं रे सामणे मन्नी लेंगा, तां हऊँ माहणुये रा पुत्र, तिस माहणुये जो परमेशरा रे स्वर्गदूतां रे सामणे मन्नी लेंगा।

रोमियो 9:33

तियां जे पवित्रशास्त्रा च लिखिरा, “ध्याना ने सुणा, हऊँ यरूशलेम च इक पत्थर रखां तिसते जे लोकां जो ठोकर लगणी कने सै गिरने, पर सै जे कोई तिस पर विश्वास कराँ सै कदीं शर्मिन्दा नीं हूणा।”

प्रकाशितवाक्य 14:14

फेरी मैं इक चमकीरा बद्दल़ देख्या, कने तिस बद्दल़ा पर माहणुये साई कोई प्राणी बैठिरा, तिसरे सिरा पर जे सोने रा मुकट कने हत्था च तेज़ डाटी।

प्रकाशितवाक्य 14:3

कने सै संघासणा रे सामणे कने चऊँ जिऊंदे प्राणियां कने प्राचीनां रे सामणे मन्नो इक नया गीत गाया राँ थे, कने सै जे धरतिया ते कीमत देईने छडवाईरे थे, तिन्हां इक लाख चौताली हज़ार लोकां जो छड्डिने कोई तिस गीता जो सिक्खी नीं सकदा था।

प्रकाशितवाक्य 15:5

इन्हां गल्लां ते बाद मैं ये देख्या भई स्वर्गा च मन्दर सै जे गवाहिया रा तम्बू आ, खोल्या गया;

प्रकाशितवाक्य 22:4

तिन्हां तिसरा मुँह देखणा, कने तिसरा नौं तिन्हांरे मत्थे पर लिखिरा हूणा।

प्रकाशितवाक्य 3:12

सै जे जय पाओ तिस्सो मांह अपणे परमेशरा रे मन्दरा च इक खम्भा बनाणा, तित्थी ते तिस कदीं बाहर नीं निकल़णा। कने मांह अपणे परमेशर रा नौं कने अपणे परमेशर रे नगर यनिके नये यरूशलेम रा नौं, सै जे मेरे परमेशरा रिया तरफा ते स्वर्गा ते उतरने औल़ा, कने मांह अपणा नया नौं बी तिस पर लिखणा।

प्रकाशितवाक्य 4:1

इन्हां गल्लां ते बाद ताहली जे मैं इक होर दर्शण देख्या, तां क्या देक्खां भई स्वर्गा च इक दरवाजा खुल्हीरा, कने तिस्सो जे मैं पैहले तुरहिया री अवाज़ा साई अप्पूँ ने गल्लां करदे सुणया था, सैई मेरने बोलां, “येत्थी ऊपर आई जा; कने मांह तिज्जो सै गल्लां दसणियां, तिन्हांरा जे इन्हां गल्लां ते बाद हूणा जरूरी आ।”

प्रकाशितवाक्य 6:8

मैं इक हल्के पिऊल़े रंगा रा घोड़ा देख्या, कने तिसरे स्वारा रा नौं मौत आ; कने अधोलोक तिसरे पिच्छे-पिच्छे जाया राँ था; कने तिन्हांजो धरतिया रे चौथे हिस्से पर ये अधिकार दित्या गया, भई तलवार, नकाल़, महामारी, कने धरतिया रे वन पशुआं रे जरिये लोकां जो मारी दो।