प्रकाशितवाक्य 13:8 - बिलासपुरी नौआं नियम

⁸ कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

प्रकाशितवाक्य 13:8 ပူးပေါင်းရင်းမြစ်များ

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

लूका 10:20

फेरी बी इन्हां गल्लां ते खुश नीं हूणां भई बुरीआत्मां तुहांरे बशा ची आ; पर इस खातर खुश हूणा भई परमेशरे तुहांरे नौं स्वर्गा च लिखी लरे।”

यूहन्ना 1:29

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

इफिसियां 1:4

तियां जे तिने संसारा रिया सृष्टिया ते पैहले मसीह च चुणील्या ताकि अहें तिसरे सामणे पवित्र कने निर्दोष बणो।

फिलिप्पियां 4:3

मेरे सच्चे साथी सन्तुखे तेरेने बी मेरी विनती भई इन्हां जनानां री मदद करयां, ये क्लेमेंस कने मेरे दुज्जे साथियां समेत खुशखबरी फैलाणे च मेरे सौगी जुटी रियां रैईयां, तिन्हांरे नौं जे जीवना रिया कताबा च लिखिरे।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

प्रकाशितवाक्य 12:15

फेरी सर्पे औरता रे सामणे अपणे मुँआं ते नदिया साई पाणी बगाया ताकि तिसाजो इसा नदिया च हड़ाई दो।

प्रकाशितवाक्य 13:12

ये तिस पैहले पशुये रा सारा अधिकार तिसरे सामणे कम्मां च ल्यौआं था; कने धरती कने तिसरे रैहणे औल़यां ते तिस पैहले पशुये री, तिस राजे खतरनाक जख्म ठीक हुई चुक्कीरा था, पूजा कराँ था।

प्रकाशितवाक्य 17:8

सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।

प्रकाशितवाक्य 21:27

कने तिसच कोई बी अपवित्र चीज या गन्दा काम्म करने औल़ा, झूट्ठ बोलणे औल़ा, किसी बी तरिके ने नीं औणा, पर सिर्फ सै लोक तिन्हांरे नौं जे मेमने रिया जीवना रिया कताबा च लिखिरे।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 3:20

देख, हऊँ दरवाजे पर खड़ीने भित ठल़काँ; जे कोई मेरी अवाज़ सुणी ने खोलगा, तां मांह अन्दर आईने तिसने सौगी रोटी खाणी कने तिस मेरे सौगी रोटी खाणी।

प्रकाशितवाक्य 3:5

सै जे जय पांगा तिस्सो इयां इ सफेद कपड़े पहनाये जाणे, मांह तिसरा नौं जीवना रिया कताबा चते कदीं नीं कटणा; पर तिसरा नौं अपणे पिता कने तिसरे स्वर्गदूतां रे सामणे मन्नी लेणा।

प्रकाशितवाक्य 5:12

तिन्हें ऊच्चिया अवाज़ा च गाया, “बध कित्तिरा मेमना इ सामर्थ, धन, ज्ञान, शक्ति, आदर, महिमा कने स्तुति रे लायक आ।”

प्रकाशितवाक्य 5:13

फेरी मैं स्वर्गा च कने धरतिया पर कने धरतिया रे थल्ले कने समुद्रा रियां सब बणाई रियां चिज़ां जो, कने सब्बीं किजि जो सै जे तिस चा, ये गान्दे हुये सुणया, “सै जे संघासणा पर बैठिरा, तिसरा कने मेमने री स्तुति, आदर, महिमा कने राज युगां-युगां तक रौ!”

प्रकाशितवाक्य 6:1

फेरी मैं देख्या ताहली जे मेमना तिन्हां सत्तां सीलां चते इक्की जो तोड़ां, कने तिन्हां चऊँ जिऊंदे प्राणियां चते इक्की री गर्जणे साई अवाज़ा च ये बोलदे सुणया, “औ।”