प्रकाशितवाक्य 13:10 - बिलासपुरी नौआं नियम

¹⁰ तिस्सो जे कैदी हुणे रे खातर तैह कित्या गया, सै जेल्ला च पाया जाणा; तिस्सो जे तलवारा ने मरने खातर तैह कित्या गया, जरूर सै तलवारा ने मारया जाणा। इसरा मतलब परमेशरा रे लोकां जो ईमानदारिया ने सैहण करना चाहिन्दा।

प्रकाशितवाक्य 13:10 ပူးပေါင်းရင်းမြစ်များ

मत्ती 26:52

फेरी यीशुये तिन्हाने गलाया, “अपणिया तलवारा जो म्याना च रख काँह्भई सै जे तलवार चलांये सै तलवारा नेई मारे जाणे।

मत्ती 7:2

काँह्भई जिस तरिके ने तुहें इल्जाम लगां ये, तियां इ परमेशरा तुहांरा बी न्याय करना; कने तियां जे तुहें दुज्जेयां रा न्याय कराँ ये, तियां इ तुहांरा बी न्याय हूणा।”

लूका 21:19

जे तुहें सब्र रखीने विश्वासा च बणीरे रैहन्गे तां तुहां सदा जीवित रैहणा।

कुलुस्सियां 1:11

हऊँ प्राथना कराँ भई परमेशर तुहांजो अपणी महिमा रिया सामर्था ते लगातार मजबूत करदा जाओ, ताकि तुहें धैर्य ने कने खुशिया ने अपणे दुखां जो सही सकगे।

इब्रानियों 6:12

तां तुहें सुस्त नीं बणने। पर तुहें तिन्हांरा अनुशरण करगे सै जे अपणे विश्वास कने धैर्य रिया वजह ने परमेशरा रे वायदयां रे बारस हुणे।

प्रकाशितवाक्य 1:9

हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।

प्रकाशितवाक्य 11:18

होरीं जातियें गुस्सा कित्या कने तेरा कोप तिन्हां पर पैया, कने सै बगत आई पुज्जीरा, भई मूईरयां रा न्याय कित्या जाओ, कने तेरे दास भविष्यवक्तयां कने परमेशरा रे लोकां जो कने तिन्हां छोट्टे-बड्डयां जो सै जे तेरे नौआं ते डराँ ये, ईनाम दित्या जाओ, कने धरतिया रे बगाड़ने औल़े नाश कित्ते जाओ।”

प्रकाशितवाक्य 14:12

इस खातर ये जरूरी आ भई परमेशरा रे लोकां जो धीरज रखणा चाहिन्दा, सै जे परमेशरा रे हुक्मा जो मन्नांये कने प्रभु यीशुये पर विश्वास रखां ये।

प्रकाशितवाक्य 16:6

काँह्भई तिन्हें परमेशरा रे लोकां रा, कने भविष्यवक्तयां रा खून बहाया था, कने तैं तिन्हांजो खून प्याया; काँह्भई सै इस इ लायक ये।”

प्रकाशितवाक्य 17:11

सै पशु जे पैहले था, कने हुण निआं, सै खुद अठवां राजा; कने तिन्हां सत्तां चते इक आ, सै जे नाश हुणे औल़ा।

प्रकाशितवाक्य 17:8

सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।

प्रकाशितवाक्य 2:19

हऊँ तेरे कम्मां, प्यार, विश्वास, सेवा कने धीरजा, जो जाणाँ कने ये बी हऊँ जाणाँ भई तेरे हुणके काम्म पैहलकयां कम्मां ते जादा ये यनि ताहली जे तैं मांह पर विश्वास करने ते बाद कित्या था।

प्रकाशितवाक्य 2:2

हऊँ तेरे काम्म, कने तेरी मेहणत, कने तेरे धीरजा जो जाणाँ। कने ये बी भई तू बुरयां लोकां जो सैहण नीं करी सकदा, कने सै जे अप्पूँजो प्रेरित बोलां ये, पर हये नींये तिन्हांजो तैं परखीने झूट्ठा पाया।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।