प्रकाशितवाक्य 13:1 - बिलासपुरी नौआं नियम

¹ मैं इक्की येढ़े पशुये जो समुद्रा चते निकल़दे देख्या, तिसरे दस सिंग कने सात्त सिर थे। तिसरयां सिंगां पर दस मुकट, कने तिसरे हरेक सिरा पर परमेशर री निंध्या रे नौं लिखिरे थे।

प्रकाशितवाक्य 13:1 ပူးပေါင်းရင်းမြစ်များ

प्रकाशितवाक्य 11:7

ताहली जे सै लोकां जो परमेशरा रे वचना रा प्रचार करीने खत्म करी बैट्ठे, तां सै पशु सै जे अथाह कुण्डा चते निकल़णा, तिन्हां पर हमला करना कने तिन्हांजो हराईने मारी देणा।

प्रकाशितवाक्य 12:3

इक होर नशाण स्वर्गा च दिख्या; इक बड्डा जेआ लाल रंगा रा अजगर था, तिसरे सात्त सिर कने दस सिंग थे, कने सारयां सिराँ पर इक-इक मुकट था।

प्रकाशितवाक्य 13:11

फेरी मैं धरतिया चते इक होर पशुये जो निकल़दे देख्या, तिसरे मेमने साई दो सिंग थे; कने सै अजगरा साई बोलां था।

प्रकाशितवाक्य 13:14

तिन्हां चमत्काराँ रिया वजह ते, तिन्हौं जे तिस पशुये रे सामणे दसणे रा अधिकार तिस्सो मिलीरा था, सै धरतिया पर रैहणे औल़यां जो इस तरिके ने धोखा देआं था। सै तिन्हांजो ये हुक्म देआं था भई तिस पशुये री मूर्ति बणावा, तिसरे शरीरा पर जे तलवारा रा घाव था कने सै जे फेरी भीं जिऊंदा हुईगरा था।

प्रकाशितवाक्य 13:15

कने तिस्सो तिस पशुये रिया मूर्तिया च प्राण पाणे रा अधिकार दित्या गया, ताकि पशुये री मूर्ति बोलणे लगो; कने जितने लोक जे तिस पशुये रिया मूर्तिया जो पूजणे ते इन्कार करो, तिन्हांजो मरवाई दे।

प्रकाशितवाक्य 15:2

फेरी मैं अग्गी च मिस्से शीशे साई इक समुद्र देख्या; सै लोक जे तिस पशुये पर कने तिसरिया मूर्तिया पर, कने तिसरे नौंआं रे अंका पर जयवन्त हुये थे, तिन्हांजो तिस कच्चा रे समुद्रा ले परमेशर रियां वीणां जो लईने खढ़िरे देख्या।

प्रकाशितवाक्य 16:13

फेरी मैं तिस अजगरा रे मुँआं ते, कने तिस पशुये रे मुँआं ते, कने तिस झूट्ठे भविष्वक्ते रे मुँआं ते, तिन्नो बुरीआत्मां जो मेनकां रे रुपा च निकल़दे देख्या।

प्रकाशितवाक्य 17:16

कने सै जे दस सिंग तैं देक्खे, सै होर पशु तिसा वैश्या ते नफरत करगे, तिन्हां तिसाजो लाचार कने नंगा करी देणा कने तिसरा मांस खाई जाणा कने तिसाजो अग्गी च फुकी देणा।

प्रकाशितवाक्य 17:3

फेरी परमेशरा रिया आत्मे मिन्जो अपणे बशा च करील्या कने स्वर्गदूत मिन्जो सुनसान जगह च लेईग्या, तित्थी मैं सात्त सिर कने दस सिंगा औल़े इक लाल रंगा रे पशुये जो देख्या, सै जे निंध्या रे नौआं ते भरीरा था कने इस जानवरा पर इक औरत बैठीरी थी।

प्रकाशितवाक्य 17:5

तिसरे मत्थे पर ये नौं लिखिरा था; “भेत बड्डा बेबीलोन, धरतिया रियां वैश्यां कने गन्दियां चिज़ां री मौ।”

प्रकाशितवाक्य 19:19

फेरी मैं तिस पशुये कने धरतिया रे राजयां कने तिन्हां रिया सेना जो घोड़े पर बैठिरे स्वार कने तिसरिया सेना ने लड़ने खातर कट्ठे हुईरे देख्या।