प्रकाशितवाक्य 12:12 - बिलासपुरी नौआं नियम

¹² इस खातर हे स्वर्गो कने तिन्हां च रैहणे औल़यो, मौज करा! पर हे धरती, कने समुद्र, तुहां परा लाणत इ! काँह्भई शैतान बड़े गुस्से सौगी तुहांले उतरी ने आईरा! काँह्भई सै जाणाँ भई तिसरा थोड़ा इ बगत होर बाकी आ।”

प्रकाशितवाक्य 12:12 ပူးပေါင်းရင်းမြစ်များ

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

लूका 2:14

स्वर्गा च परमेशरा री बडयाई ओ कने धरतिया पर तिन्हां माहणुआं ते जे परमेशर खुश आ तिन्हां पर सुख-शान्ति ओ।

इब्रानियों 10:37

“काँह्भई तियां जे पवित्रशास्त्र बोलां, बौहत इ थोड़े वगता च, सै जे आया रां तिस औणा कने देर नीं करनी।

2 पतरस 3:8

पर मेरे प्यारे मित्रो, इसा इक्की गल्ला जो मता भुलदे: प्रभुरे खातर इक दिन हजार साल्ला रे बराबर ये कने हजार साल इक्की दिना रे बराबर आ; तिसरे खातर इक दिन कने हजार साल दोन्नों बराबर ये।

प्रकाशितवाक्य 10:6

कने सै जे युगां-युगां तक जीवित आ, कने तिने जे स्वर्ग, धरती कने समुद्रा जो कने जो किछ तिन्हां चा बणाया, तिसरी कसम खाईने गलाया, “हुण त होर देर नीं हूणी।

प्रकाशितवाक्य 11:10

धरतिया रे रैहणे औल़यां तिन्हां रिया मौती ते खुश हूणा कने जशन मनाणा, तिन्हां इक्की दुज्जे ला तोफे भेजणे, काँह्भई इन्हें दुईं भविष्यवक्तयां धरतिया रे रैहणे औल़यां जो सताया था।

प्रकाशितवाक्य 11:14

दुज्जी विपत्ति खत्म हुई; हुण तिज्जी विपत्ति छोड़े औणे औल़ी।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

प्रकाशितवाक्य 13:6

कने तिने परमेशरा री निंध्या, कने तिसरे नौं कने तिसरे तम्बू यनि स्वर्गा रे रैहणे औल़यां री निंध्या करने खातर मुँह खोल्या।

प्रकाशितवाक्य 18:20

हे स्वर्ग, कने हे परमेशरा रे लोको, कने प्रेरितो, कने भविष्यवक्तयो, तिस पर आनन्द करा, काँह्भई परमेशरे न्याय करीने तिसाते बदला लेईरा!”

प्रकाशितवाक्य 8:13

ताहली जे मैं फेरी देख्या, तां अम्बरा रे बिच इक्की ऊकाबा जो उड़दे कने ऊच्चिया अवाज़ा च येढ़ा बोलदे सुणया, “इन्हां तिन्नां स्वर्गदूतां री तुरहिया री अवाज़ा रिया वजह ते, तिन्हांरा बजणा जे अजें बाकी आ, धरतिया पर रैहणे औल़यां पर हाय, हाय, हाय!”

प्रकाशितवाक्य 9:12

पैहली विपत्ति खत्म हुई; देक्खा, इन्हां सरियां गल्लां ते बाद दो होर विपत्तियां औणे औल़ियां इ।