प्रकाशितवाक्य 12:1 - बिलासपुरी नौआं नियम

¹ फेरी स्वर्गा च इक बड्डा नशाण दिख्या, यनि इक औरत थी तिसे जे सूरज ओडीरा था, कने चाँद तिसारे पैराँ हेठ था, कने तिसारे सिरा पर बारा तारयां रा मुकट था।

प्रकाशितवाक्य 12:1 ပူးပေါင်းရင်းမြစ်များ

मत्ती 12:38

इसा गल्ला पर किछ यहूदी शास्त्रियें कने फरीसियें तिसने गलाया, “गुरू जी, अहें तुहांते इक चमत्कारी नशाण देखणा चाँये, तिसते जे ये साबित हुई जाओ भई तिज्जो परमेशरे भेज्जिरा।”

मत्ती 24:30

तिस बगत माहणुये रे पुत्रा रे औणे रा नशाण अम्बरा च परगट हूणा, कने फेरी धरतिया पर सारी जातियां रे लोकां छाती पिट देयां बलाप करना; कने तिन्हां माहणुये रे पुत्रा जो बड्डिया सामर्थ कने महिमा सौगी स्वर्गा रे बद्दल़ा पर औन्दे देखणा।

मरकुस 13:25

कने अम्बरा ते तारे पौणे लगणे; कने अम्बरा री शक्तिशाली चीजां जो तिन्हां रिया जगह ते हिलाया जाणा।”

लूका 21:11

मतियां जगहां पर हिल्लण हुणे, कने जगह-जगह नकाल़ पौणे, महामारी फैलणी, कने अम्बरा च येढ़ियां घटनां घटणियां भई माहणुआं डरीने कम्बी जाणा कने बड्डे-बड्डे निशाण परगट हुणे।

लूका 21:25

“अम्बरा च हैरान करने औल़ी गल्लां हूणी; सूरज चान्द कने तारयां च चिन्ह सुझणे, कने थल्ले धरतिया री सारी जातियां रे लोकां पर विपत्ति औणी कने समुद्रा री उथल-पुथला जो देखीने लोकां डरी जाणा।

यूहन्ना 3:29

लाड़ा-लाड़ी ब्याह करी लें; पर लाड़े रा मित्र खड़ा हुआं कने तिसजो सुणां, कने सै लाड़े रिया अवाज़ा ते बड़ा खुश हुआं: मेरी खुशी येढ़ि ही हाई कने हुण सै पूरी हुई।

प्रेरितां 2:19

कने मांह ऊपर अम्बरा च नोखे काम्म कने थल्ले धरतिया पर चमत्कार, मतलब खून कने आग्ग कने धुयें रा बद्दल़ दसणा।

रोमियो 13:14

बल्कि प्रभु यीशु मसीह साई जीओ, कने जिस्मा री इच्छां जो पूरा करने री कोशिश नीं करा।

रोमियो 3:22

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

2 कुरिन्थियों 11:2

काँह्भई हऊँ तुहांरे बारे च चिन्तित आ तियां जे परमेशर चिन्ता कराँ। इस खातर मैं तुहांजो अपणे इकलौते पितिये रे रुपा च मसीह जो देणे रा वायदा कित्या था, हऊँ तुहांजो तिसरी पवित्र दुल्हना रे रुपा च देखणा चाँह।

गलातियां 3:27

काँह्भई तुहें सारे तिन्हें जे मसीह रा बपतिस्मा लेई लरा, मसीह रे चरित्रा जो धारण करी लरा।

गलातियां 4:26

पर स्वर्गा रा यरूशलेम अजाद जनाना सारा साई आ कने तिसरे बच्चे दास नींये। ये यरूशलेम अहां रिया माता साई आ।

गलातियां 6:14

पर येढ़ा नीं हो भई हऊँ सिर्फ अहांरे प्रभु यीशु मसीह रे क्रूसा ते इलावा किसी होरी गल्ला पर घमण्ड करूँ। काँह्भई तिस क्रूसा रिया वजह ने हऊँ संसारा रे खातर कने संसार मेरे खातर मरया।

इफिसियां 5:32

ये इक बौहत गैहरा भेत आ; पर ये हऊँ मसीह कने कलीसिया रे बारे च बोलां।

प्रकाशितवाक्य 1:20

तिन्हां सत्तां तारयां रा मतलब तिन्हांजो जे तैं मेरे सज्जे हत्था देख्या था, कने तिन्हां सत्तां सोने रे दीपदान्ना रा मतलब येआ: सै सात्त तारे सत्तां कलीसियां रे दूत ये, कने सै सात्त दीपदान सात्त कलीसियां इ।”

प्रकाशितवाक्य 11:19

फेरी परमेशरा रा सै मन्दर जे स्वर्गा चा, सै खोल्या गया, कने तिसरे मन्दरा च तिसरिया वाचा रा सन्दूक दुस्या; कने तित्थी बिजल़ियां, अवाज़, गर्जन, हिलण हुये कने बड्डे-बड्डे आणी रे गोल़े पै।

प्रकाशितवाक्य 12:3

इक होर नशाण स्वर्गा च दिख्या; इक बड्डा जेआ लाल रंगा रा अजगर था, तिसरे सात्त सिर कने दस सिंग थे, कने सारयां सिराँ पर इक-इक मुकट था।

प्रकाशितवाक्य 15:1

फेरी मैं स्वर्गा च इक होर बड्डा कने अदभुत नशाण देख्या, यनि सात्त स्वर्गदूत तिन्हांले जे सत्तों आखरी मुशीवतां थिआं, काँह्भई तिन्हांरे हुई जाणे पर परमेशरा रे गुस्से रा अन्त आ।

प्रकाशितवाक्य 21:14

कने नगरा री शहरपनाह री बारा निऊंआं थिआं, कने तिन्हां पर मेमने रे बारा प्रेरितां रे नौं लिखे थे।

प्रकाशितवाक्य 21:23

कने तिस नगरा च सूरज कने चन्द्रमे रिया रोशनिया री जरूरत नीं, काँह्भई परमेशरा रे तेजा ने तिसच उजियाला हुया राँ, कने मेमना तिसरा दीपक आ,