प्रकाशितवाक्य 10:1 - बिलासपुरी नौआं नियम

¹ फेरी मिन्जो इक होर ताकतवर स्वर्गदूत बद्दल़ा जो ओडीने स्वर्गा ते उतरदे दिखया; तिसरे सिरा पर मेघधनुष था, तिसरा मुँह सूरजा साई चमकदा कने पैर अग्गी रे खम्बे साई थे।

प्रकाशितवाक्य 10:1 ပူးပေါင်းရင်းမြစ်များ

मत्ती 17:2

तित्थी तिन्हारे सामणे तिसरा रुप बदलिग्या, तिसरा मुँह सूरजा साई चमकया कने तिसरे कपड़े इयां चमकणे लगे तियां जे लोय चमकां इ।

लूका 21:27

फेरी सारयां लोकां मिन्जो यनि माहणुये रे पुत्रा जो अपणी सामर्थ कने चमकदे हुये तेज्जा सौगी बद्दल़ां पर औंदे देखणा।

प्रेरितां 26:13

तां हे राजा, रस्ते च दपैहरा रे बगत मैं अम्बरा ते सूरजा रिया चमका ते बी बधीने इक ज्योति, अपणे कने अपणे सौगी चलने औल़यां रे चऊँ पासयां चमकदी देखी।

प्रकाशितवाक्य 1:7

देक्खा, मसीह बद्दल़ां सौगी आया रां, कने सारयां तिस्सो देखणा, येत्थी तक भई सै लोक बी तिन्हेंजे तिस्सो भाले ने बिन्हया था; तिन्हां बी तिसखा देखणा, कने संसारा रे सारयां लोकां तिसरिया वजह ते बिलकी-बिलकी ने रोणा। हाँ, ये हूणा। आमीन।

प्रकाशितवाक्य 18:1

“इन्हां गल्लां ते बाद मैं इक्की होर स्वर्गदूता जो स्वर्गा ते उतरदे हुये देख्या, तिस्सो जे बड्डा अधिकार मिलीरा था; कने तिसरे तेजा ते धरती चमकीगी।

प्रकाशितवाक्य 18:21

इक्की ताकतवर स्वर्गदूते घराटा रे बट्टा साई इक पत्थर चक्कया, कने ये बोलीने समुद्रा च सट्टीत्या, “इस तरिके ने बड्डा नगर बेबीलोन बड़े जोरा ने येढ़ा सट्टीत्या जाणा; भई तिसरा नौं नशाण तक नीं मिलणा।

प्रकाशितवाक्य 20:1

फेरी मैं स्वर्गा ते इक स्वर्गदूता जो उतरदे देख्या, तिसले जे अथाह कुण्डा री चाबी कने इक बड्डी जंजीर थी।

प्रकाशितवाक्य 4:3

सै जे तिस पर बैठिरा सै यशब कने माणिक्य साई दिस्सां, कने तिस संघासणा रे चऊँ पासयां मरकता साई इक मेघ-धनुष दुस्याराँ।

प्रकाशितवाक्य 5:2

फेरी मैं इक ताकतवर स्वर्गदूता जो देख्या, सै जे ऊच्चिया अवाज़ा च ये प्रचार कराँ था, “इस कताबा रियां सीलां तोड़ीने कने तिसाजो खोलणे रे लायक कुण आ?”

प्रकाशितवाक्य 8:13

ताहली जे मैं फेरी देख्या, तां अम्बरा रे बिच इक्की ऊकाबा जो उड़दे कने ऊच्चिया अवाज़ा च येढ़ा बोलदे सुणया, “इन्हां तिन्नां स्वर्गदूतां री तुरहिया री अवाज़ा रिया वजह ते, तिन्हांरा बजणा जे अजें बाकी आ, धरतिया पर रैहणे औल़यां पर हाय, हाय, हाय!”