प्रकाशितवाक्य 1:3 - बिलासपुरी नौआं नियम

³ परमेशरा तिन्हां सारयां माहणुआं जो आशीष देणी सै जे इन्हां भविष्यवाणियां रे वचनां जो पढ़ां ये, कने सै जे सुणां ये कने इसच लिखी रियां गल्लां रा पालन कराँ ये, काँह्भई इन्हां गल्लां रा पूरा हुणे रा बगत नेड़े आ।

प्रकाशितवाक्य 1:3 ပူးပေါင်းရင်းမြစ်များ

मत्ती 24:15

“इस खातर ताहली जे तुहें तिसा ज्वाड़ने औल़िया गन्दिया चीज़ा जो पवित्र जगह खढ़ी रिया जो देखगे तिसरी चर्चा जे दानिय्येल भविष्यवक्ते रे जरिये किति थी (सै जे पढ़ो, सै समझो)।

लूका 11:28

फेरी यीशुये गलाया, “पर इन्हांते बी जादा परमेशर तिन्हौ आशीष देआं, सै जे परमेशरा रा बचन सुणां ये, कने तिसरा पालन कराँ ये।”

रोमियो 13:11

इस खातर वगता जो समझीने ये करा। तुहें जाणाँ ये भई तुहांरे खातर अपणिया निन्दा ते जागणे रा बगत आई गरा, काँह्भई ताहली जे अहें विश्वास कित्या था, तिस वगता रे विचारा ने अहांरा छुटकारा हुण तिसते होर नेड़े आ।

रोमियो 13:12

ये येढ़ा भई रात तकरीवन खत्म हुई चुक्कीरी, कने दिन सिरने जोआ; इस खातर अन्धकारा ने जुड़ीरे सारयां कम्मां जो करना बन्द करा कने जोतिया च रैहणे खातर त्यार हुई जावा।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

2 पतरस 3:8

पर मेरे प्यारे मित्रो, इसा इक्की गल्ला जो मता भुलदे: प्रभुरे खातर इक दिन हजार साल्ला रे बराबर ये कने हजार साल इक्की दिना रे बराबर आ; तिसरे खातर इक दिन कने हजार साल दोन्नों बराबर ये।

प्रकाशितवाक्य 22:10

फेरी तिने मेरने गलाया, “इसा कताबा री भविष्यवाणिया रियां गल्लां पर सील मत लगा; काँह्भई वगत नजदीक आ।

प्रकाशितवाक्य 22:12

यीशुये बोल्या, देख, हऊँ जल्द औणे औल़ा; कने हर इक्की रे कम्मां रे मुतावक बदला देणे रे खातर ईनाम मेरले आ।

प्रकाशितवाक्य 22:20

सै जे इन्हां गल्लां री गवाही देआं, सै ये बोलां, “हाँ, हऊँ जल्दी औणे औल़ा।” आमीन। हे प्रभु यीशु औ!

प्रकाशितवाक्य 3:11

हऊँ जल्दी आया रां; जो किछ तेरले आ तिस्सो थम्मी रख, भई कोई तेरा मुकट तेरते खोई नीं लओ।