फिलेमोन 1:20 - बिलासपुरी नौआं नियम

²⁰ मेरे प्यारे दोस्त, हऊँ विनती कराँ भई प्रभुये रे खातर इस तरिके ने मेरी मदद करयां। साथी विश्वासी हुणे रे नाते ये करने रे जरिये मिन्जो हिम्मत दे।

फिलेमोन 1:20 ပူးပေါင်းရင်းမြစ်များ

1 कुरिन्थियों 16:18

कने तिन्हें मिन्जो हौंसला दित्या तियां जे तिन्हें तुहांजो बी दित्या, इस खातर तुहौं येढ़यां लोकां रा आदर करना चाहिन्दा।

2 कुरिन्थियों 2:2

काँह्भई जे हऊँ तुहांजो दुख देन्गा, तां सच्चीजो मिन्जो खुश करने रे खातर कोई बी नीं रैहणा, काँह्भई मैं तुहौं दुख दित्तिरा।

2 कुरिन्थियों 7:13

इस खातर अहौं बड़ा हौंसला मिल्या; कने अहांरे इस हौंसले सौगी तीतुस रिया खुशिया री बजह ने अहांजो होर बी जादा खुशी हुई, काँह्भई तुहें तिसजो खुश करने च तिसरी मदद कित्ती।

फिलिप्पियां 1:8

परमेशर जाणाँ भई हऊँ तुहांजो कितना प्यार कराँ कने सै प्यार जे मसीह यीशुये मिन्जो दित्तिरा तिस प्यारा सौगी हऊँ तुहां सारयां ने मिलणे जो तरसी राँ।

फिलिप्पियां 4:1

इस खातर मेरे प्यारे साथी विश्वासियो, हऊँ तुहां ने बौहत जादा प्रेम कराँ कने तुहांजो मिलणे जो तरसया राँ; तुहें मेरी मौज कने मेरे कम्मां रा ईनाम ये, इस खातर प्यारे मित्रो लगातार प्रभुये पर मजबूतिया ने विश्वास करदे रौआ।

फिलेमोन 1:12

हलाँकि हऊँ उनेसिमुस जो बौहत प्यार कराँ, फेरी बी हऊँ तिस्सो तेरले वापस भेज्या राँ।

फिलेमोन 1:7

अरे साथी विश्वासी, दुज्यां लोकां रे प्रति तेरे प्यारा रिया वजह ते हऊँ बौहत खुश आ कने मिन्जो बड़ी हिम्मत मिली, काँह्भई तैं परमेशरा रे लोकां जो बौहत खुश कित्या।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

1 यूहन्ना 3:17

पर जिस किसी ले संसारिक धन-दौलत हो कने सै अपणे साथी विश्वासिये जो जरूरत मन्द देखीने तिस पर तरस नीं खाओ, तां तिसच परमेशरा रा प्यार कियां बणीने रैई सक्कां?

3 यूहन्ना 1:4

मिन्जो इसते बधीने होर कोई खुशी नीं, भई हऊँ ये सुणुं, भई सै जे मेरे बच्चयां साई ये सै परमेशरा रिया सच्चाईया पर चलया राँये।