फिलेमोन 1:1 - बिलासपुरी नौआं नियम

¹ हऊँ पौलुस, ये चिट्ठी लिखिराँ, कने हुण हऊँ जेल्ला चा, काँह्भई हऊँ मसीह यीशुये रे बारे च प्रचार कराँ। हऊँ कने अहांरे साथी विश्वासी तिमुथियुस अहांरे प्यारे मित्र कने अहां सौगी काम्म करने औल़े फिलेमोन तिज्जो नमस्कार।

फिलेमोन 1:1 ပူးပေါင်းရင်းမြစ်များ

प्रेरितां 16:1

फेरी सै दिरबे कने लुस्त्रा नगरा च बी गया, तित्थी तिमुथियुस नौआं रा इक चेला था। सै जे यहूदी विश्वासी जनाना रा पुत्र था, पर तिसरा पिता यूनानी था।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

इफिसियां 6:20

तिसरे खातर जे हऊँ जंजीराँ ने जकड़ोईरे राजदूता साई सेवा करया राँ। प्राथना करा भई तियां जे हिम्मता ने मिन्जो बोलणा चाहिन्दा, तियां इ निडर हुईने बोल्ली सक्कूं।

फिलिप्पियां 1:1

यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

फिलिप्पियां 2:25

हऊँ ये जरूरी समझां भई इपफ्रदीतुस जो तुहांले भेज्जूँ सै जे मेरा भाई कने मेरे सौगी काम्म करने औल़ा, कने सै जे मेरे सौगी इक सैनका साई आ, सै जे तुहांरा बी सनेहा देणे औल़ा, तिस्सो जे तुहें मेरियां जरूरतां रा ख्याल रखणे रे खातर मेरले भेज्या था।

फिलिप्पियां 4:3

मेरे सच्चे साथी सन्तुखे तेरेने बी मेरी विनती भई इन्हां जनानां री मदद करयां, ये क्लेमेंस कने मेरे दुज्जे साथियां समेत खुशखबरी फैलाणे च मेरे सौगी जुटी रियां रैईयां, तिन्हांरे नौं जे जीवना रिया कताबा च लिखिरे।

कुलुस्सियां 1:1

हऊँ, पौलुस ये चिट्ठी लिखिराँ, हऊँ परमेशरा रिया इच्छा ते यीशु मसीह रा प्रेरित हुणे रे खातर चुणया गईरा। हऊँ तिमुथियुस सौगी तुहांजो नमस्कार कराँ सै जे अहाँरा विश्वासी भाई आ।

कुलुस्सियां 4:11

युसतुस रे नौआं ते जाणयां जाणे औल़े यीशुये रा बी तुहांजो नमस्कार हो। यहूदी विश्वासियां चते परमेशरा रे राज्जा खातर मेरे सौगी काम्म करने औल़े सिर्फ ये तिन्न माहणु ये कने इन्हा रिया वजह ने मिन्जो बौहत जादा तसल्ली मिली।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

2 थिस्सलुनीकियां 1:1

हऊँ पौलुस, ये चिट्ठी सिलवानुस कने तिमुथियुस रिया मददा ने थिस्सलुनीकी नगरा रे विश्वासियां जो लिखिराँ, सै जे अहांरे पिता परमेशर कने प्रभु यीशु मसीह रे।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

फिलेमोन 1:23

इपफ्रास, सै जे मसीह यीशुये री सेवा करने खातर मेरे सौगी जेल्ला चा,

फिलेमोन 1:24

कने मरकुस, अरिस्तर्खुस, देमास कने लूका सै जे मेरे सौगी प्रभुये रा काम्म कराँ ये, इन्हां सब्बीं रा तिज्जो नमस्कार।