मरकुस 9:50 - बिलासपुरी नौआं नियम

⁵⁰ लूण खाणे च पाईने खाणे जो स्वादिष्ट बणां, पर जे लूणा रा स्वाद बिगड़ी जाओ, तां तिस्सो तुहें भीं ते इस्तेमाल लायक नीं बणाई सकदे; इक्की दूये सौगी तियां इ शांन्तिया ने रौआ तियां जे लूण खाणे च पाणे ते बाद मिली जां।”

मरकुस 9:50 ပူးပေါင်းရင်းမြစ်များ

कुलुस्सियां 4:6

तुहांरी बोल्ली सदा मिठी रौ कने तिसते जे समझदारिया री पछयाण लगो कने तुहें जाणी सक्को भई किसी माहणुये जो कियां जबाब देणा चाहिन्दा।

रोमियो 12:18

जे हुई सक्को, तां सारयां ने शान्तिया ने रैहणे री कोशिश करा।

मत्ती 5:13

“तुहें इस संसारा रे लोकां खातर लूणा साई ये; पर जे लूणा रा स्वाद बिगड़ी जाओ, तां फेरी इसजो किस तरिके ने इस्तेमाल लायक बणाया जाई सक्कां? फेरी सै किसी कम्मां रा निआं, सिर्फ इसरे भई बाहर सट्टया जाओ कने लोकां रे पैराँ हेठ दल़या जाओ।

इब्रानियों 12:14

सब्बीं ने शान्तिया ने रैहणे, कने पवित्र हुणे रे खातर हर तरह री कोशिश करदे रौआ, काँह्भई पवित्रता ते बिणा कोई प्रभुये जो कदीं बी नीं देखी सकदा।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

फिलिप्पियां 1:27

सिर्फ इतणा करा भई तुहांरा चाल-चल़ण मसीह रिया खुशखबरिया रे लायक हो। भई चाये हऊँ आईने तुहांजो देखूँ, या नीं बी आऊँ, पर तुहांरे बारे च ये सुणुं भई तुहें इक्की मना च अटल कने इक जुट हुईने खुशखबरिया रे विश्वासा खातर खूब मेहणत करया राँये।

1 थिस्सलुनीकियां 5:13

कने तिन्हारे कम्मां रिया वजह ते तिन्हांरे प्रति बौहत आदर कने प्रेम दस्सा। कने अप्पूँ चियें मेल-मिलापा ने रौ।

इफिसियां 4:29

तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।

1 पतरस 3:8

आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।

याकूब 1:20

इस खातर भई जो किछ परमेशरा रिया नज़राँ च ठीक आ सै सब तुहांरे गुस्से च नीं कित्या जाई सकदा।

2 तिमुथियुस 2:22

इस खातर तू ज्वानिया रिया बुरियां इच्छां ते दूर जा कने सै लोक जे साफ दिला ने प्रभुये जो पुकाराँ ये, तिन्हां सौगी मिलीने धार्मिकता, विश्वास, प्यार कने शान्तिया रे पिच्छे चल।

कुलुस्सियां 3:12

काँह्भई तुहें परमेशरा रे चुणीरे पवित्र कने प्यारे लोक ये इस खातर सहानुभूति रखणे औल़े, दया करने औल़े, नरम दिल, तसल्ली रखणे औल़े कने नम्र बणा।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

मरकुस 9:34

पर सै चुप रै, काँह्भई रस्ते च तिन्हें अप्पूँ चियें ये बैहस कित्ती थी भई अहां चते महान कुण हूणा, ताहली जे यीशु राजा हूणा।

मरकुस 9:49

काँह्भई हर इक माहणु अग्गी च परखीने शुद्ध कित्या जाणा, तियां जे बलिदान्ना जो लूण पाईने शुद्ध कित्या जां।