मरकुस 9:31 - बिलासपुरी नौआं नियम

³¹ काँह्भई सै अपणयां चेलयां सौगी जादा वगत बिताणा कने तिन्हांजो सखाणा चाँह था। यीशुये तिन्हांजो बोल्या, “माहणुये रे पुत्रा यनि मिन्जो माहणुआं रे हात्था च पकड़वाया जाणा, कने तिन्हां मिन्जो मारी देणा; कने मांह मरने ते बाद तिज्जे दिन जी उठणा।”

मरकुस 9:31 ပူးပေါင်းရင်းမြစ်များ

मत्ती 16:21

तिस बगत यीशु अपणे चेलयां जो दसणे लगया, भई “मिन्जो यरूशलेम जाणा चाहिन्दा कने तित्थी यहूदी शास्त्रियां, बजुर्ग यहूदी नेतयां, कने मुखियायाजकां रे जरिये बड़ा दुख सहीने; मारया जाऊँ; फेरी तिज्जे दिन मूईरयां चा ते माह जिऊंदे हुई जाणा।”

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

मत्ती 26:2

“तुहें लोक जाणाँ ये भई दुईं दिनां बाद फसह रा त्योहार आ, कने माहणुये रा पुत्र क्रूसा पर चढ़ाये जाणे खातर पकड़वाया जाणा।”

मत्ती 27:63

तिन्हे गलाया, “महांराज, अहांजो याद आ भई तिने झूठे ताहली जे सै जिऊंदा था, गलाया था, माह तिज्जे दिन ज्यून्दे हुई जाणा।

मरकुस 10:34

तिन्हां मेरा मजाक बनाणा, माह पर थुकणा, मिन्जो कोड़े मारने कने जानी ते मारना, फेरी तिन्नां दिनां ते बाद मांह जिऊंदे हुई जाणा।”

मरकुस 8:31

तां यीशु चेलयां जो सखाणे लगया भई माहणुये रे पुत्रा यनि मेरे खातर जरूरी आ भई सै बौहत दुख सहो, कने यहूदी बजुर्ग, कने मुखियेयाजकां, कने शास्त्रियां तिस्सो घटिया समझीने मारी देणा, कने तिस तिज्जे दिन मूईरयां चते भीं ते जिऊंदा हुई जाणा।

मरकुस 9:12

यीशुये जवाब दित्या, “ये सच्च आ, भई परमेशरे एलिय्याह जो पैहले भेजणे रा वायदा कित्तिरा, ताकि लोक मेरे औणे रे वगत त्यार रैहन्गे। पर हऊँ तुहांजो बोलां भई एलिय्याह त आई चुक्कीरा, कने लोकें तिसने जो किछ करना चाहया सै करी चुक्कीरे, तियां जे पवित्रशास्त्रा च तिसरे बारे च लिखिरा। पर माहणुये रे पुत्रा यनि मेरे बारे च काँह येढ़ा लिखिरा भई मिन्जो बौहत दुख सैहणे पौणा, कने लोकां मेरा त्याग करना?”

लूका 24:26

क्या मसीह रे खातर ये जरूरी नीं था भई इसते पैहले सै इन्हां पीड़ां जो भुगते फेरी स्वर्गा च जाईने अपणे अधिकारा रिया गद्दिया पर बैट्ठो?”

लूका 9:44

“तुहें इन्हां गल्लां जो ध्याना ने सुणयों, काँह्भई माहणुये रा पुत्र यनि हऊँ अधिकारियां रे हत्था च पकड़वाया जणे औल़ा।”

यूहन्ना 10:18

इस्सो माह्ते कोई लेन्दा निआं, पर हऊँ इस्सो अपणिया इच्छा ने देआं। मिन्जो अपणी जान देणे रा बी अधिकार आ, कने तिस्सो फेरी भीं लेणे रा बी अधिकार आ; ये हुक्म मिन्जो मेरे पिता परमेशरा ते मिलीरा।”

यूहन्ना 2:19

फेरी यीशुये तिन्हांजो जबाब दित्या, भई “इस मन्दरा जो तोड़ी दो, मांज इस्सो तिन्नां दिनां च दोबारा बणाई देणा।”

यूहन्ना 3:14

कने तियां जे मूसे सुनसान जगह च पितल़ी रे बणीरे सर्पा जो ऊच्चिया ठारी टंगाया, तियां इ मेरा यनि माहणुये रे पुत्रा रा ऊच्चिया ठारी टंगया जाणा बी जरूरी आ;

2 तिमुथियुस 2:12

जे अहें दुख सैयें तां तिस सौगी राज बी करना। जे अहें तिसरा इन्कार करगे, तां तिस बी अहांरा इन्कार करना,