मरकुस 9:29 - बिलासपुरी नौआं नियम

²⁹ फेरी यीशुये जवाब दित्या, “तुहें इस तरिके रियां बुरियां आत्मां जो सिर्फ प्राथना रेई जरिये निकाल़ी सक्कां ये।”

मरकुस 9:29 ပူးပေါင်းရင်းမြစ်များ

मत्ती 12:45

फेरी बुरीआत्मा जाईने अप्पूँ ते होर सात्त बुरीआत्मां जो अप्पूँ सौगी ली औईं सै जे तिसाते बी बुरियां हुआं इयां, फेरी सै सब आईने तिस माहणुये च रैहणे लगां इयां, कने तिस माहणुये री हालत पैहले ते बी जादा खस्ती हुई जाईं। इस जुगा रे लोकां री हालत बी येढ़ि हूणी।”

मत्ती 17:20

यीशुये तिन्हांजो दस्या, “काँह्भई तुहां च विश्वासा री कमी, हऊँ तुहांजो सच्च बोलां, जे तुहां च राईया रे दाणे जितना बी विश्वास हुन्दा, तां तुहें इस पहाड़ा ने बोल्ली सक्कां ये, येत्थीते हटिने ओतखा चली जा, कने तिस चली जाणा; तुहें किछ बी करी सक्कां ये।

मत्ती 17:21

पर येढ़ि बुरियां आत्मां सिर्फ प्राथना कने उपवास करने तेई निकल़ां इयां।”

मरकुस 9:28

बाद बिच ताहली जे यीशु अपणे चेलेयां सौगी घरा च कल्हा था, तां तिन्हें तिसते पुच्छया, “अहें बुरीआत्मा जो काँह नीं कड्डी सक्के?”

मरकुस 9:30

फेरी यीशु कने तिसरे चेले तिस इलाके जो छड्डिने चले, कने गलील प्रदेशा चियें हुईने जायां राँ थे। यीशु नीं चाहन्दा था भई किसी जो बी इसा गल्ला रा पता लगो भई हऊँ किति आ,

लूका 11:26

फेरी सै जाईने, अपणे ते बी खतरनाक सात्त बुरीआत्मां सौगी लेईने औआं इ कने तिस माहणुये च बड़ीने ऊथी वास कराँ इ। तिसते बाद तिस माहणुये री हालत पैहले ते बी बुरी हुई जाईं।”

प्रेरितां 14:23

कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

1 कुरिन्थियों 9:27

पर हऊँ अपणे शरीरा जो कष्ट देआं कने वशा च रखां, येढ़ा नीं हो भई होरीं जो प्रचार करीने हऊँ खुद ईनाम पाणे रे खातर निकम्मा नीं बणुँ।

2 कुरिन्थियों 11:27

मैं बौहत मेहणत करीने दुखां ते थक्कीने टुटिग्या, कईयां मौकयां च त मिन्जो सौणे बी नीं मिलया, कने ठण्डा ते बचणे खातर पैहनणे जो गर्म कपड़ा बी नीं था इस वजह ने कम्बदा रैया।

2 कुरिन्थियों 12:8

इसा समस्या रे बारे च मैं प्रभु यीशुये ने तिन्न बार विनती कित्ती भई सै इस कण्डे जो माह चते नकाल़ी लो।

2 कुरिन्थियों 6:5

कोड़े खान्दे हुये, जेल्लां च रैहन्दे हुये, अशान्तिया रे बिच, मेहणत करदे हुये, कईं रातीं तक बिणा सोये, उपवासा च,

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

याकूब 5:15

विश्वासा ने कित्तिरी तिन्हां रिया प्राथना ते बीमार ठीक हुई जाणे, कने प्रभुये तिसजो खड़ा करना कने जे तिने गुनाह बी कित्तिरे ओ, परमेशरा तिसरे पाप माफ करने।