मरकुस 9:25 - बिलासपुरी नौआं नियम

²⁵ तंजे यीशुये देख्या भई होर बी लोक अहांजो देखणे खातर कट्ठे हुया रायें, तां तिने बुरीआत्मा जो येढ़ा बोलीने झिड़कया, “गूँगा कने बैहरा करने औल़ी आत्मा, हऊँ तिज्जो हुक्म देआं, इस चाते निकल़ी जा, कने इसच भीं ते कदीं बी देखां जांदी।”

मरकुस 9:25 ပူးပေါင်းရင်းမြစ်များ

मत्ती 12:22

फेरी लोक यीशुये ले इक येढ़े माहणुये जो लयाये सै जे गूँगा कने अन्हा था, काँह्भई तिसच शैतान था; यीशुये तिसजो चंगा कित्या, कने सै गूँगा बोलणे कने देखणे लगया।

मत्ती 17:18

फेरी यीशुये बुरीआत्मा जो हुक्म दित्या, कने सै तिस बिच्चा ते बाहर निकल़ीगी; कने सै मुण्डु तिस इ घड़ी ठीक हुईग्या।

मरकुस 9:15

तियां जे सारयां लोकें यीशुये जो देख्या, तां सै बौहत हैरान हुणे लगे, कने तिस खौ दौड़ीने तिस्सो मत्था टेकणा कित्या।

मरकुस 9:24

मुण्डुये रा पिता इकदम चिल्लाया, “हे प्रभु, हऊँ विश्वास कराँ भई तुहें मेरी सहायता करी सक्कां ये, पर हऊँ विश्वासा च इतणा मजबूत नींआ, इस खातर मेरी सहायता कर ताकि हऊँ विश्वासा च मजबूत हुईजो।”

मरकुस 9:26

तां बुरी आत्मा चिल्लाया कने तिस्सो बौहत मरोड़ीने, निकल़ीगी; कने मुण्डु मूईरेयां साई दिख्या, येत्थी तकौ भई बौहत लोक बोलणे लगे भई ये मरीगरा।

लूका 11:14

इक दिन यीशुये बुरीआत्मा रा सताईरा इक माहणु, सै जे गुंगा था, तिस चते बुरीआत्मा जो बाहर कड्डया, कने फेरी सै गूँगा बोलणे लगीग्या। येढ़ा देखीने लोकां जो हैरानी हुई।

लूका 4:35

यीशुये तिस्सो डांटी ने गलाया, “चुप ओ! कने इस माहणुये चते बाहर निकल़ी जा!” फेरी तिने बुरीआत्में तिस माहणुये जो धरतिया पर फोड़ीत्या, लोक येढ़ा सब किछ देखीरां थे। फेरी सै बुरीआत्मा तिस माहणुये जो होर जादा नुक्शान कित्ते बगैर, तिस चते निकल़ीगी।

लूका 4:41

कने बुरीआत्मायें रड़ान्दी हुई कने ये बोलदी हुई, भई “तू परमेशरा रा पुत्र आ,” बौहत लोकां चते निकल़ी गियां, पर सै तिन्हाजो थिड़कां था कने बोलणे नीं देन्दा था, काँह्भई बुरी आत्मा जाणाँ थिआं, भई सै मसीह आ।

लूका 8:29

काँह्भई यीशु पैहले तेई तिन्हां बुरीआत्मा जो तिस माहणुआ ते बाहर निकल़णे रा हुक्म देई कराँ था। ये बुरीआत्मा तिस माहणुये जो बार-बार अपणे वशा च कराँ थी। येत्थी तक भई, लोक तिस्सो संगल़ां ने बन्हीने कने बेड़ियां पाईने पैहरे च रखां थे पर सै संगल़ां कने बेड़ियां जो तोड़ी देआं था कने सै बुरीआत्मा री ताकत तिसजो सुनसान जगह च दौड़ाई रखां थी।

लूका 9:42

सै मुण्डु हल्तियें आई इ कराँ था भई तिने बुरे आत्मे तिस्सो पकड़ीने धरतिया पर पटकाया कने तिस्सो बुरे हाल्लें मरोड़ने लगया, पर यीशुये बुरीआत्मा जो थिड़क्या कने मुण्डुये जो ठीक करीने तिस्सो तिसरे पिता ले साम्भीत्या।

प्रेरितां 16:18

सै बौहत दिनां तका येढ़ा इ करदी रई; पर पौलुस दुखी हुआ, कने मुड़ीने तिसा बुरीआत्मा जो गलाया, “हऊँ यीशु मसीह रे नौआं ते हुक्म देआं भई इसा चते निकल़ी जा।” कने सै तिस इ बगता निकल़ीगी।

यहूदा 1:9

पर प्रधान स्वर्गदूत मीकाईल, ताहली जे शैतान्ना ने मूसा रिया लाशा रे बारे च बैहस करया राँ था, तां बी तिसरे खिलाफ तिने बेईज्जत करने औल़यां शब्दां ने तिसरी निंध्या करने री हिम्मत नीं कित्ती, पर तिने बोल्या, “प्रभु तिज्जो डान्टो।”