मरकुस 9:22 - बिलासपुरी नौआं नियम

²² कई बार बुरीआत्मे इस्सो अग्गी च कने पाणिये च सट्टीने मारने री कोशिश कित्ती; पर जे तुहें किछ करी सक्को, तां अहां परा तरस खाईने अहांरी सहायता कर।”

मरकुस 9:22 ပူးပေါင်းရင်းမြစ်များ

मत्ती 14:31

यीशु फौरन तिसले पुज्जया कने तिसजो सम्भाल़ी ने बोल्या, “अरे कमजोर विश्वासी, तैं शक कजो कित्या?”

मत्ती 17:15

“हे प्रभु, मेरे मुण्डुये पर दया कर! तिस्सो मिर्गिया रा दौरा पौआं, तिसरिया वजह ने सै बड़ा भरी तड़फां; कई बार अग्गी च कने कई बार पाणिये च पैई चुक्कीरा।

मत्ती 20:34

यीशुये तरस खाईने तिन्हांरियां आक्खीं छुईयां, कने सै इकदम देखणे लगे; कने सै तिन्हांरे पिच्छे चलीपे।

मत्ती 8:2

तिस वगत इक कोढ़ी माहणुये आईने तिसजो प्रणाम कित्या कने बोल्या, भई “हे प्रभु, जे तुहें चाओ तां मिन्जो ठीक करी सक्कां।”

मत्ती 9:28

सै ताहली जे घरा रे अन्दर पुज्या, तां सै अन्हे तिसले आये, फेरी यीशुये तिन्हांते पुच्छया, “क्या तुहांजो विश्वास आ भई हऊँ तुहांजो ठीक करी सक्कां?” तिन्हें जबाब दित्या, “हाँ, प्रभु, अहें विश्वास कराँ ये भई तू अहांजो ठीक करी सक्कां।”

मरकुस 5:19

पर यीशुये तिस्सो अपणे सौगी औणे री इजाजत नीं दित्ति, कने तिस्सो गलाया, “अपणे घरा जाईने अपणे परिवारा जो दस भई तेरे पर दया करीने प्रभुये तेरे खातर कितणे बड्डे-बड्डे काम्म कित्तिरे।”

मरकुस 9:21

यीशुये मुण्डुये रे पिता ते पुच्छया, “इसरी ये दशा कदुआं ते हुया रांई?” तिने गलाया, “बचपना ते।

मरकुस 9:23

यीशुये तिस्सो गलाया, “ये नीं बोलणा जे तुहें करी सक्कां ये, काँह्भई परमेशरा पर विश्वास करने औल़यां खातर सै सब किछ करी सक्कां।”

लूका 7:13

तिसा विधवा री हालत देखीने प्रभुये जो तिसा पर बड़ा तरस आया कने गलाया “रोन्दी मत!”