मरकुस 9:18 - बिलासपुरी नौआं नियम

¹⁸ ताहली जे ये बुरीआत्मा तिस पर हमला कराँ ईं, तिस्सो जमीन्ना पर पटकी देईं : तिसरे मुँआं ते झगूड़ औआं, कने सै अपणे दांद पीहां, कने अकड़ी जां कने हिलदा नींआ। मैं तेरयां चेलयां जो बुरी आत्मा जो बाहर कड्डणे रे खातर बोल्या, पर सै नीं कड्डी सक्के।”

मरकुस 9:18 ပူးပေါင်းရင်းမြစ်များ

मत्ती 15:22

तित्थी री इक कनानी जनाना आई कने चिल्लाणे लगी, “हे प्रभु! दाऊद रे वंशज, माह पर दया कर! मेरिया कुड़िया पर बुरीआत्मा बुरे तरिके ने स्वार हुईरा।”

मत्ती 17:16

तिसजो हऊँ तेरे चेलयां ले ल्याया, पर सै इसजो ठीक नीं करी सक्के।”

मत्ती 8:12

पर राज री प्रजा यनि इस्राएली लोक धक्का देईने बाहर नरका च भेज्जी दित्ति जाणी : तित्थी तिन्हां अपणे दुखां रिया वजह ने रोणा कने पीड़ा ने दान्द किरड़ने।”

मरकुस 11:23

हऊँ तुहांजो सच बोलां भई जे कोई इस पहाड़ा जो बोल्लो, ‘तू उखड़ी जा, कने समुद्रा च जाईने पौ,’ कने अपणे मना च भरोसा रक्खो भई तेढ़ा जे सै बोलगा, तियां इ हुईजो, तां तिस खातर सैई हूणा।

मरकुस 9:17

भीड़ा चते इक्की तिस्सो जवाब दित्या, “गुरू, हऊँ अपणे पुत्रा जो तेरले ल्याया, तिसच जे इक बुरीआत्मा इ सै तिस्सो गल्ल नीं करने देन्दी।

मरकुस 9:19

ये सुणीने यीशुये तिन्हांजो जवाब देईने गलाया, “इस जुगा रे अविश्वासी लोको, हऊँ कितणे वगता तक तुहां सौगी रैहन्गा? कने कदुआं तक तुहांरी सैहन्गा? तिस मुण्डुये जो मेरले ल्यावा।”

मरकुस 9:20

इस खातर सै मुण्डुये जो यीशुये ले ली आये, कने तंजे बुरीआत्मे यीशुये जो देख्या, तां तिसे इकदम मुण्डुये जो मरोड़या; कने मुण्डु धरतिया पर पैईग्या, कने मुँआं ते झगूड़ नकाल़णे कने मरेलणे लगया।

मरकुस 9:26

तां बुरी आत्मा चिल्लाया कने तिस्सो बौहत मरोड़ीने, निकल़ीगी; कने मुण्डु मूईरेयां साई दिख्या, येत्थी तकौ भई बौहत लोक बोलणे लगे भई ये मरीगरा।

प्रेरितां 7:54

ये गल्लां सुणीने यहूदी अगुवे बड़ा गुस्सा हुईगे कने स्तिफनुसा परा दन्द किरड़ने लगे।

यहूदा 1:13

तियां जे समुद्रा रियां तेज लैहराँ गन्दा झाग निकाल़ां इयां तियां इ ये लोक बेशर्मिया रा काम्म कराँ ये। ये लोक किछ तारयां साई ये सै जे अम्बरा च भटकदे रैं, तिन्हांरे खातर जे परमेशरे सदा काल रा घोर अन्धकार रक्खीरा।